Eski Qırımda toplaşqan qırımtatarlar faal Nariman Ametovnıñ iskencelerge oğratılması içün qanun qoruyıcı organlarına kollektiv şikâyetni imzalaylar. Bunı "Qırım birdemligi" cemaat birlenşmesi haber ete.
"Qırımtatarlar Nariman Aliyev ve diger qırımtatarlarnıñ iskencelerge oğratılması sebebinden İİN yolbaşçısı adına, prokuror Krasnovğa, Rusiyede insan aqalarından vekâletlisi Tatyana Moskalkovağa ve Tahqiqat komitetiniñ reisine kollektiv şikâyetni imzalaylar", - dep yazıla bildirmede.
Evel, Eski Qırımda qırımtatar faali Nariman Ametovnıñ evi yanında şeer sakinleri FSB hadimleri tarafından yapılğan iskencelerge narazılıq bildirmek içün toplaştılar.
"Qırım birdemligi"nde haber etkenleri kibi, adamlarnıñ toplaşqan yerine polis kelgen.
Dekabrniñ 17-nde saba Rusiye quvetçileri tarafından Eski Qırımda tintüv vaqtında tutulğan qırımtatarı Nariman Ametov Rusiye FSBsiniñ hadimleri tarafından elektrik aqımınen işkencege oğratıldı.
Hatırlatamız, dekabrniñ 17-nde saba Eski Qırımda Rusiye quvetçileri qırımtatarı Nariman Ametovnıñ evini tintti. O, tutuldı, onı belli olmağan yerge alıp kettiler. Narimannıñ ömür arqadaşı Elmaz Ametova, aqayı qırımtatar faalleri Nariman Celâl ve ağa-qardaş Ahtemovlar qabaatlanğan Anğara köyünde «gaz borusındaki diversiyağa» alâqası bar olğanından şübheli sayıla, dep bildirdi. Advokatlar bu malümatnı tasdıqlamay. Soñra faaller «Ametovnıñ bulunğan yeri belli degil», dep bildirdi.
