"Qırım birdemligi" cemaat birleşmesiniñ faalleri 22 yaşındaki Farhad Soliyevniñ qaçırılma ihtimalını köstergen bir video yayınladı.
Videokamerağa Farhad Soliyevni el işaretleri ile areketlerini nezaret etken eki kişi yaqalandı. Videoda körüngeni kibi 22 yaşındaki Farhadnıñ üstünde açıq tüste başlıq. Noyabrniñ 3-nde yerli vaqıt ile saat 7:50 eki ada Yeroşenko 20 soqığındaki binağa kirdi ve saat 8:30 tışarığa çıqtı.
Soliyevniñ anası Lenara Seydaliyevanıñ haber etkeni kibi, oğlunıñ qaçırılmasından endi 20 kün keçken, amma onıñ aqqında alâ daa bir şey belli degil, Rusiye quvetçileri ise berilgen arizalarğa bir türlü diqqat etmey.
"Telefon etermiz dediler, etmediler. İİN de bir şey yapmay", - dep ayttı adliyeci Lilâ Gemeci.
Noyabrniñ başında "Qırım birdemligi" Aqyarda kimligi belli olmağan insanlar 22 yaşında Farhad Soliyevni hırsızladı, dep haber etken edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
