«Video kameralarından körüngenine köre, onı urbalı insanlar, büyük ihtimalnen, FSB hadimleri hırsızladı. Al-azırda Aqyar, Aqmescit şeerleriniñ İç işler nazirligine ariza berildi. Oğlum ne alda ve qayda bilmeyim», – dep izaatladı anası Lenara Seydaliyeva.
Rusiye uquq koruyıcıları bu aqta resmiy malümat bermedi.
Noyabrniñ başında berilgen malümatqa köre, Rusiye FSB hadimleri Herson vilâyetiniñ Novooleksiyıvka qasabasınıñ sakinini «Noman Çelebicihan qırımtatar batalyonında» iştirak etkeni içün hırsızladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
