Rusiye nezaretindeki Qırım ükümetiniñ başı Yuriy Gotsanük, koronavirus tarqalmasıniñ telükesi sebebinden Qırım bazarlrınıñ işçileriniñ sacağı baqılacağını haber etti.
Bunı o martnıñ 24-ünde bu infektsiyağa qarşı küreş ştabınıñ oturışında ayttı.
"Bazar satıcıları maska kiymeli, tükânlarnı daima cıyıştırmalı ve dezinfektsiya yapmalı. Bütün bazarlarda işçilerniñ sıcağını ölçemek içün noqtalar qoyulacaq", - qayd etti Gotsanük.
Qırımda ilk koronavirus hastası bar dep tasdıqladılar.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
