Link açıqlığı

Saatnıñ esas haberi

Qırım akimiyeti binası qaza sebebinden qızdıruvsız qalğan (+süret)


Qırım akimiyeti binası yanında tamir işleri, yanvar 29

Aqmescitte rusiyeli Qırım akimiyeti binası qaza sebebinden bir qaç künge qızdıruvsız qalğan.

Qırım.Aqiqat mühbiri bildirgenine köre, Kirova caddesi tarafından qızdıruv hattınıñ asfalt tübünde yarılmasi daa bazar künü olğan. Qaza yerini tapmaq içün şeer hızmetçileri, Qırım akimiyeti binası ve yerastı keçitten yanında, Lenin meydanınıñ bir kenarında eki çuqur qazdı.

İşçiler Qırım.Aqiqat mühbirine aytqanına köre, aqşamğace “borunıñ teşik yerleri deñiştirilecek”. Qaza yoq etüvinde 10-15 mütehassıs iştirak ete.

Qırım akimiyetinde qaza aqqinda resmiy malümat yoq.

Yerli matbuatnıñ malümatına köre, bina içinde yeterli oda arareti tutula.

XS
SM
MD
LG