Rusiye FVN-niñ Qırım idaresi, noyabr 26-27-sinde yarımadağa yaqınlaşqan küçlü sağanaqlar sebebinden telükeli ava şaraitinen bağlı furtuna ihtarını ilân etti.
"Qırımda devamlı quru avadan soñ, Aq deñiz tsiklonı çıqqanından sebep, noyabr 26-sında aqşam ve noyabr 27-sinde bütün kün küçlü sağanaqlar beklenile", - denile beyanatta.
Daa evel Rusiye FVN-niñ Qırım idaresi, yüksek yanğın telükesi sebebinden noyabr 26-sında furtuna ihtarını ilân etti, o, yarımadada raatlıq künlerinece sürecek.
