Qırımğa kelgen, amma mında meskeni olmağan er kes 14 künge observatorğa qoyulacaq. Qırımnıñ rusiyeli başı Sergey Aksönovnıñ bu qararı kün devamında derc etilecek.
"Bu 12 raatlıq kününde yarımadağa ziyaretçilerniñ aqıntısını azlaştırmaq içün qarar aldıq ve bugün onı çıqaracaqmız: Qırımda qayd etilmegen ve mülkiyeti olmağan er kes eki aftağa observatorğa qoyulacaq. İstisna bir tedbiri, amma mayıs tatilinde migratsiyanı azlaştırmaq içün yapıla", - haber etti Aksönov.
Aprelniñ 29-ında sabasınace Qırımda daa 10 yañı COVID-19 adisesi qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
