Link açıqlığı

Saatnıñ esas haberi

Putin Ukraina ile muzakerelerge azır olğanını bildirdi – Rusiye kütleviy haber vastaları


Vladimir Putin
Vladimir Putin

Rusiye prezidenti Vladimir Putin Rusiye Ukraina ile yüksek seviyede muzakerelerge azır, dep bildirdi. Rusiye kütleviy haber vastaları haber etkenine köre, putin bu aqta fevralniñ 25-nde Qıtay lideri Si Tszinpin ile muzakerelerde ayttı.

Putinniñ matbuat kâtibi Dmitriy Peskov Rusiye Minskte Ukraina ile muzakere keçirecek eyyetni yollamağa azır, dep bildirdi. Onıñ erkânına Mudafaa nazirligi, İç işler nazirligi ve prezident memuriyetiniñ temsilcileri kire bile. Bu aqta TASS Rusiye devlet agentligi haber ete.

Ukraina prezidenti Volodımır Zelenskıy video muracaatı vaqtında Putinni «insanlarnıñ ölmesini toqtatmaq içün muzakereler masasına» oturmağa çağırdı.

Ukrainada Rusiye ücüm etken soñ arbiy vaziyet ilân etildi. Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti.

Ücümge baqmadan, Kreml Ukrainanı işğal etmek niyetlerini red ete.

Rusiye resmiy müessileri ücümnen bağlı vaziyetni pek az izaatlay, Ukraina tarafınıñ ölgen ve esir alınğan Rusiye arbiyleri aqqında malümatına cevap bermey.

Fevralniñ 24-nde Kreml Vladimir Putinniñ Ukrainağa ücüm etüvniñ maqsadı «denatsifikatsiyası ve askersizleştirüvi» olğanına dair aytqanlarını tasdıqladı.

Ukraina İç işler nazirliginiñ malümatına köre, fevralniñ 25-nde saat 12.00-da uruşlar başlağanından 400-den çoq ateş qayd etildi.

XS
SM
MD
LG