Rusiye kontrolindeki Kezlev prokuraturası «Luçistıy» lagerinde raatlanğan qazanlı balalarnıñ kütleviy zeerlenüvinden soñ hastahanege alınmasınen bağlı teşkerüvni teşkil etti.
Bu aqta müessiseniñ matbuat hızmeti haber ete.
«Balalarnıñ raatlığı ve tedaviylevi, şu cümleden aşatuvınıñ statsionar tertibiniñ işini teşkil etüv ve kerçekleştirüvniñ sanitar-epidemiologik talaplarına riayet etüv teşkerilmeli», – dep aytıla prokuraturanıñ haberinde.
İyülniñ 16-nda Kezlev civarındaki Yalı Moynaq (Zaozernoye) köyüniñ bala lagerinde kütleviy zeerlenüv oldı. Müessise müdiri kün devamında aman-aman 40 bala alını ekimlerge şikâyet etti, dep tasdıqladı. Daa soñra zeerlengenlerniñ sayısı 40-tan çoq oldı, dep bildirildi. Balalar Qırımğa Qazandan raatlanmağa keldi, yaşları – yediden 17-ge qadar.
Rospotrebnadzor lagerde dezinfektsiya yapılğanını bildirdi. Qırımdaki Rusiye Tahqiqat komiteti balalarnıñ zeerlenüvi sebebinden cinaiy davalar açılğanını aydınlattı.
Tataristan gençlik işleri nazirligi Kezlev civarındaki «Luçistıy» lagerinde raatlanğan qazanlı balalarnıñ zeerlenüv sebebi salat ola bile, dep bildirdi.
