Ukrayina prezidentiniñ Qırım MC-deki daimiy temsilciligi Rusiye quvetçileri tarafından işğal altındaki Herson vilâyetiniñ Geniçesk bölgesiniñ Sçastlivtsevo kobnde qırımtatar faalleriniñ evlerinde tintüvlerniñ keçirilüvini ve olarnıñ qaçırıluvını takbih etti.
"Susanna İzmailova Geniçesk ryonınıñ belli medeniyet hadimi, horeograf, halq oyunları ocasıdır. İşğalciler onıñ rahmetli aqayınıñ ana-babasınıñ evine tintüv keçirmek içün keldiler, Susanna bunı eşitip olarnıñ evine kelgende ise kendi evini de tinttiler. İşğalciler bütün gacetlerni tutıp aldı, özüni ise alıp kettiler. İlkin malümatqa köre, 17-nci oquv yurtunıñ mağazına. Bundan ğayrı şu künü Sçastlivtsevo köyüniñ daa bir sakini Rasim Asanovnıñ evinde qanunsız tintüv keçirildi. Onıñ iş yeri olğan "Azov" pansionatından alıp kettiler ve ihtimal ki, onı 17-nci mağazağa", - dep yazıla bildirmede.
Ukrayina prezidentiniñ Qırım MC-deki Temsilciliginde qayd ettiler ki, "qırımtatar halqınıñ temsilcileriniñ qanunsız tevqif etilmesi, taqip etilmesi ve evlerinde tintüvler keçirilmyesi halqara gumanitar uquqnı ve insan aqları ve esas serbestlikleri aqqında Şarntnameniñ maddelerini bozalar.
Rusiye quvetçileriniñ bu vaqiağa dair izaatları şimdilik yoq.
Keçende Rusiye quvetçileri Sudaqnıñ Qutlaq (Veseloye) köyünde qırımtatar faali Nariman Kurukçiniñ evinde tintüv keçirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
