Link açıqlığı

Saatnıñ esas haberi

Prezident Zelenskıy - Erdoğanğa: "Beraberlikte Qırım vaziyetini deñiştirirmiz"


Ukraina, öz strategik ortağı - Türkiye Cumhuriyetine pek büyük qıymet bere ve oña ve onıñ prezidenti Recep Erfoğanğa - Ukraina topraq bütünligi ve mustaqilligine ait deñişmegen noqta-i nazarı içün minnetdar.

Bunı Ukraina prezidenti Volodımır Zelenskıy, avgust 7-sinde Türkiye başı ile körüşüvde ayttı, dep bildire Ukraina prezidentiniñ Ofisi.

"Er şeyniñ, hususan, Rusiyeniñ Qırım işğaliniñ, öz adını aytmağa cesür olğanıñız içün sağ oluñız. Eminim, Ukraina ve Türkiye işbirliginen biz, Qara deñiz ve Qırım vaziyetini yahşılıqqa deñiştirmiz", - dedi prezident Zelenskıy.

Recep Erdoğan ise, öz tarafından Türkiye "Qırım ilhaqını tanımay edi ve tanıymacağını" tasdıqladı. Bundan ğayrı o, qıımtatarlarnıñ aq-uquqlarınıñ qorçalaması, özgünlikleriniñ saqlanması ve Qırım vatanlarında bulunması onıñ memleketi içün prioritet bir mevzu olıp qalacaq, dep qayd etti.

Türkiye ziyareti vaqtında Ukraina prezidenti Volodımır Zelenskıy, Rusiye ilhaq etken Qırımğa kiriş ruhsetiniñ almasını qolaylaştıracaq, dep söz berdi.

Qırımatatar milliy lideri, Ukraina halq mebusı Mustafa Cemilev, avgust 7-8-inde Ukraina prezidenti Volodımır Zelenskıynıñ Türkiye Cumhuriyeti ziyaretine qoşuldı.

XS
SM
MD
LG