«Fikir» rubrikası, mahsus Qırım.Aqiqat içün
Qırımtatar bayrağı daa çoq yarımadanıñ tamır halqınıñ milliy bayrağı olaraq biline. Lâkin hatırlamaq kerek ki, bu daa bölşevikler yoq etken devletniñ bayrağı da ola – ve öyle de yañıdan tiklenmegen.
Ebet, aman-aman er bir devlet bayrağınıñ milliy, «tamır» temeli bar – amma zemaneviy devletniñ manası böyle bayraqnıñ bütün vatandaşlar tarafından tanılmasından ibaret – milleti, dini ve siyasiy baqışlarına baqmadan. Ukrayına bayrağına munasebet böyle bir evrimden keçti – kommunistlerniñ Ukrayınanıñ zemaneviy devlet bayrağını «milletçi» bayrağı olaraq tanıtmağa tırışqanı tesafud degildir.
Qırımtatar bayrağınıñ da böyle bir taqdiri olacaq edi. Amma o, Qırım Halq Cumhuriyetiniñ bayrağı olaraq tasdıqlandı – ve tüzetile bilecek bölşevik hataları olmasa edi.
Qırımtatar bayraq künü er keske kelecekte, Ukrayına işğal etilgen yarımada üzerinde kontrolini keri alğanda, qırımtatarlarnıñ bayrağı Ukrayına devleti erkânında Qırım bayrağı olacağını hatırlata – bütün qırımlılar içün bir bayraq. Bu da tarihiy ve milliy adaletniñ ğayrıdan tiklenmesi, Ukrayına erkânında Qırımnıñ milliy-devlet subyektligi içün olmaycaq territorial muhtariyetten vazgeçüv olacaq.
Ukrayına bu subyektliginiñ bugün bile israrcısı olmalı, mence, Qırımnıñ tamır halqları aqlarınıñ ğayrıdan tiklenüv meselesi eali ve topraq laflarına deñişmesin. Qırım – topraq degil, bir tsivilizatsiya, Rusiye Yekaterina zamanlarından berli bu medeniyetni yoq etip deñiştirmege tırışsa da. Bağçasaray, Aqmescit ve Aqyarda qırımtatar – Qırım – bayraqları bu adaletsizlik ve deñiştirüv tarihında bir noqta qoymalı.
Vitaliy Portnikov – jurnalist ve siyasiy izaatçı, Azatlıq Radiosı ve Qırım.Aqiqat müellifi
«Fikir» rubrikasında ifadelengen fikir-tüşünceler müelliflerniñ noqta-i nazarını aks ettirip, muarririyetniñ baqışlarınen bir olmaması mumkün
MALÜMAT: Ukrayınağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayına şimalinde faal olğanını toqtattı, dep bildirdi. Tezden Ukrayına akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayınağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
** ** ** ** **
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.