Link açıqlığı

Saatnıñ esas haberi

Poroşenko: «Qırım ve Donbas boyunca Rusiyeni afu etüv virusı tarqalmasın dep, bütün bağlarımnı qullanacam»


Petro Poroşenko
Petro Poroşenko

Ukrainanıñ beşinci prezidenti Petro Poroşenko Avropa Şurası Parlament Assambleyasınıñ (PACE) Rusiyeni qaytarmaq qararı «Ukraina içün ciddiy bir işaret ola», dep bildirdi.

«Soñki beş yıl içinde Ukraina alğan birinci ciddiy diplomatik darbedir. Daa evel bu darbelerni qaçırmay edik. Amma şimdi tek Ukrainağa degil, esas Avropa qıymetlerine de darbe endirildi, qıymet ve fiyat arasında fiyat saylandı», – dep aytıla Poroşenkonıñ beyanatında.

Poroşenko «Qırımnıñ ilhaqı ve Donbas işğali boyunca Rusiyeni afu etüv virusı daa ziyade tarqalmasın dep, tış siyaset bağlarını» qullanmağa vade ete.

Ukraina baş naziri Volodımır Ğroysman Avropa Şurası Parlament assambleyasınıñ sanktsiyalarnı kirsetüv, hususan Rusiyege qarşı, tertibini qıyınlaştırğan qararını «istilâcınıñ intiqamı» dep adlandırdı.

Qırımtatar Milliy Meclisiniñ reisi Refat Çubarov PACEniñ Rusiye qararı sebebinden Mustaqillik Meydanında umummilliy toplaşuv keçirmege çağıra.

Avropa Şurası Parlament assambleyası iyünniñ 25-ne keçer gecesi keçirilgen toplaşuvında PACE qaidelerini deñiştirgen ve sanktsiyalarnı qullanuv tertibini, hususan Rusiyege qarşı, qıyınlaştırğan qararğa qoltuttı. Buña 118 PACE azası rey berdi, 62-si qarşı çıqtı, 10-u bitaraf qaldı.

Rusiye eyyeti Assambleya sessiyalarında 2015 senesi yanvar ayından itibaren, eyyetniñ vekâletleri ciddiy şekilde sıñırlanğan soñ, iştirak etmey.

Ukraina aq qorçalayıcılarınıñ fikirince, Rusiye eyyeti Avropa Şurası Parlament assambleyasına qaytsa, Rusiyeniñ teşkilât talaplarına riayet etmegen taqdirde bu devletlerara teşkilâtnıñ «ahlâqiy teslimiyeti» olacaq. Bu aqta aq qorçalayıcı teşkilâtlarınıñ PACE tertip, immunitet ve qurulış işleri komitetine, Avropa Şurası iştirakçi memleketleriniñ milliy eyyetlerine yapqan açıq muracaatında aytıla.

Muracaatqa 12 ukrain aq qorçalayıcı teşkilâtı, şu cümleden «Vatandaş serbestligi merkezi», «Kreml siyasiy mabüsleri soy-soplarınıñ birleşmesi», «KrımSOS», «Qırım aq qorçalayıcı gruppası», «İnsan aqları media teşebbüsi» qoltuttı.

XS
SM
MD
LG