Link açıqlığı

Saatnıñ esas haberi

Poroşenko Kremlniñ ukrainalı mabüslerini azat ettirmek içün areketlerni arttırmasına çağırdı


ABD devlet kâtibi Mike Pompeo

Ukraina prezidenti Petro Poroşenko ABD devlet kâtibi Mike Pompeo ile telefonda laf etti.

Ukraina devlet yolbaşçısınıñ matbuat hızmeti bildirgenine köre, o, Washingtonnı Rusiye apishanelerinde tutulğan ukrainalı esir ve deñizcilerni azat ettirmek içün daa faal areketlerge çağırdı.

Bundan ğayrı, Poroşenko ABD devlet kâtibi ile «PrivatBank» devletleştirüvini lâğu etilüv telükesi ve Ukrainanıñ makromaliye istiqrarını saqlap qalmaq kerekligini muzakere etti.

Subet vaqtında Poroşenko Donbasta Pasha barışığı ilân etilmesiniñ Rusiye tarafından blok etilüvini qabul etmegenini ve Ukraina prezidenti namzeti Volodımır Zelenskıynıñ Donbastaki Rusiye işğalci ordusına nisbeten «DNR/LNR isyancıları» ıstılasını qullanğanını takbih etti.

Ukraina prezidenti Mike Pompeoğa islâatlar ve devam etken Rusiye istilâsına qarşı areketler yolunda Ukrainağa qoltutqanı içün teşekkürler bildirdi.

ABD Devlet departamentiniñ matbuat hızmeti bu telefon subeti şimdilik haber etmey.

Yarı gecede Ukrainada prezident saylavlarınıñ ekinci turı arfesinde «sessizlik künü» başlandı, namzetlerniñ er angi bir teşviqatı yasaqlana.

Ukraina prezidenti saylavlarınıñ ekinci turı aprelniñ 21-nde olacaq.

Ukraina prezidenti saylavlarınıñ birinci tur neticelerine köre, saylayıcılarnıñ 30,24%-ı Volodımır Zelenskıyge rey berdi, 15,95%-ı şimdiki devlet yolbaşçısı Petro Poroşenkoğa. Ekinci tur aprelniñ 21-nde olacaqtır.

XS
SM
MD
LG