Yarı gecede Ukrainada prezident saylavlarınıñ ekinci turı arfesinde «sessizlik künü» başlandı, namzetlerniñ er angi bir teşviqatı yasaqlana, dep bildire Azatlıq Radiosı.
«Ukraina prezidenti saylavları» qanunınıñ 57-nci maddeniñ 2-nci qısmına binaen, saylavaldı teşviqat saylavlar künü ögünde soñki cumanıñ saat 24-ünde bite.
Bu qanunnıñ 58-inci maddesine köre, «neşir ve audiovizual (elektron) kütleviy haber vastalarından siyasiy reklama, çıqış, intervyü, oçerk, video, audio- ve video klipleri, diger mesaclarnıñ aydınlatılması» ve «saylav esnasınıñ subyekti olğan firqa ya da Ukraina prezidenti namzetiniñ yardımı ile kontsert, oyun, sport yarışları, film ya da tele yayınları, ya da diger açıq tedbirlerniñ keçirilmesi ve bu yardım aqqında haber etüv» saylavaldı teşviqat dep tanılmaqta.
Namzetler Volodımır Zelenskıy ve Petro Poroşenkonıñ munaqaşaları keçti.
Ukraina prezidenti saylavlarınıñ ekinci turı aprelniñ 21-nde olacaq.
