«Avgustnıñ 23 ve 24-nde Poloniya Cumhuriyetiniñ prezidenti Ancey Duda «Qırım platforması» sammitinde ve Ukraina Mustaqilligi kününiñ qayd etilmesinde iştirak etecek», – dep yazıla bildirmede.
Ukraina Tış işler naziri Dmıtro Kuleba avgustnıñ 23-ne planlaştırılğan «Qırım platformasınıñ» sammitinde 38 memleket iştirak etmege razı oldı, dep bildirdi.
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Ukraina Tış işler naziriniñ birinci muavini Emine Ceppar Qırım.Aqiqat Radiosınıñ yaynında, kelecek yılnıñ mayıs ayında keçirilmesi planlaştırılğan yarımadanı işğalden azat etüv «Qırım platforması»sammitiniñ neticelerine köre muvafıq beyanname qabul etilecek, dep bildirdi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.