Sankt-Peterburgda yanvarniñ 13-ünde tarihçı, professor, qırımtatar halqınıñ tarihiniñ tetqiq eserleriniñ müellifi, Qırımtatar halqı Qurultayınıñ II çağırışınıñ (1991-1996) delegatı Valeriy Vozgrinnen vedalaştılar.
O bu yıl yanvarniñ 9-ında gece vefat etti.
Qırımtatar Milliy Meclisiniñ reisi Refat Çubarov haber etkeni kibi, vedalaşuvğa Peterburgğa qırımtatar milliy areketiniñ faalleri - Nariman Celâl, Bekir Mamutov, Lemmar Yunusov ve Ali Özenbaş barğanlarını qayd etti.
Valeriy Vozgrin - tarih ilimleriniñ doktorı, Sankt-Peterburg devlet universitetiniñ Yañı zaman tarihı kafedrasınıñ professorı, "Menşikov institutı" tetqiqat merkeziniñ müdiri, Qıral dan İlimler Akademiyasının azası, 187 ilmiy eserniñ müellifidir.
