Link açıqlığı

Saatnıñ esas haberi

Pavlo Kazarin: susqunlıq - altındır


Vladimir Zelenskiy
Vladimir Zelenskiy

Mahsus Qırım.Aqiqat içün

Ukraina prezidenlik cedveliniñ birinciligi deñişti.

İşte, bu birinci sefer degil, em de soñki sefer degildir. Ekinci turğa iddiası olğanlarnıñ farqı büyük degil ve öz qararını almağanlar çoq (23%). Saylavğa altmış kün qalğanda, birinci turnıñ neticelerini tahmin etmek qıyın.

Vladimir Zelenskiy fenomeni yañı degil. Deñizşmegen sımalardan boldurıv, siyasetke beklenilmegen şahıslarnıñ kirgenine bütün dünyada sebep ola edi. Tamam bu Donald Trump ve Emmanuel Macronğa yol berdi: olğan farqlılıqlarğa baqmadan, ekisi de eski bet-sımalardan bezgen adamlarnıñ reylerini ala edi.

Amma ne ise, şimdiki raqamlar ğalebe Zelenskiyniñ olacağını temin etip olamaz. Bunıñ bir sebebi bar: o indemegence, reyting yüksele.

“Üçünci küç” ya da “çetten kelgen insan” sıfatında olğan şahıslarnıñ yekâne şansı - olduqça belgisiz ümütler bermek, başqalarğa oşamamaq

Siyasiy olimpke “üçünci küç” ya da “çetten kelgen insan” kibi tırmaşmağa tırışqanlarnen, vaqıt kimerde accı şaqa ete. Çünki böyle şahısnıñ yekâne şansı - olduqça belgisiz ümütler bermek, başqalarğa oşamamaq. Soñunda saylayıcı sen içün degil de, sanki başqalarğa qarşı rey bere.

Sen bu qaidege boysunğance - reytingiñ köterile. Adamlar seniñ soyadıñnı çeşit-türlü ümütler ile sotsiologlarğa ayta. Bazıları seni “acizlerniñ qorçalayıcısı” ve serbest bazar etüvniñ tarafdarı kibi köre. Ücüz fiyatlar ve mahkeme islâatını istegenler de seniñ içün rey berir. Silâ ruhsetini istegenler ve topraq satuvına qarşı çıqqanlar da saña tarafdar olur. Sen sessiz qalğance - er saylayıcı saña ümütlerini besler. Ve sen tamam olarnı ömürge keçireceginden emin olur.

Amma namzet endi aytıp başlasa - onıñ reytingi eksile.

Onıñ susqanını razılıq ve kelişiklik kibi qabul eteler. Amma onıñ cevapları mükemmek qaramannıñ sıfatını yoq ete bile

Er açıqtan-açıq aytılğan şeyden saylayıcınıñ közü qayta bile. Adamlarnıñ öz uydurğan ümüt-beklevleri yerine ayrı bir adam kele, öz niyetlerinen, öz dünya baqışlarınen. Onıñ susqanını razılıq ve kelişiklik kibi qabul eteler. Amma onıñ cevapları mükemmek qaramannıñ sıfatını yoq ete bile.

Budır - “Yañı” ve “hatasız” insan sıfatında kelmege istegenlerniñesas meselesi. Saylayıcınen “bal ayı” çoqqa sürmey - qanfet-çeçek devriniñ yerine erkünlik yaşayış kele. Sen başqasınıñ arzusı olğance - saña çoq şeyni afu eterler. Amma sen muayyen sıfatıñ tiklenilse - eyforiya bite.

Saylavlarnıñ birinci turunace eki ay qaldı.

«Fikir» rubrikasında ifade etilgen fikirler muelliflerniñ öz noqtai-nazarlarını aks etip, muarririyetniñ noqtai-nazarını aks etmesi şart degil

XS
SM
MD
LG