Mahsus Qırım.Aqiqat içün
Yarışnıñ saylav basamaqlarınıñ tarihi, bütün devlet içün güzel bir küzgü old
Ukrainada er şey siyaset olıp qala - atta evelden siyaset olmamaq kerek şeyler. Amma, bu şaşırtıcı şey degil. Biz - cenkniñ ateşi tiygen memleket. Öz kerçek zamanda kimligini qurıp turğan memleket. Teşkerüv suallernen er kesni “özüñkiler” ve “yabancılar”ğa bölip turğan memleket.
Buña şaşmaq fayda yoq. Cenkten evel olğan hayalları içün memleketimiz olduqça töledi - endi ise, onıñ adından çıqış yapacaq olğanlarnı mana tapıp teftiş ete. Bu siyasetçilerge ait. Şou-biznes artistlerine ait. ANNA MARİA duetiniñ probleması - ana-babasında vazgeçmegenlerinde degil, bunı kimse talap etmedi. Olarnıñ meselesi: yıldız olmaq - seyircilerniñ destegi ve sevgisini qazanmaqta olğanını añlamağanları. Seniñ noqta-i nazarıñ seyircilerniñ baqışlarınen bir kelmese, demek saña qol tutmazlar. İşte, tamam bu oldı. Duetke memurlar degil, seyirciler Ukrainanı temsil etmege bermedi.
Bizni “ziyadesinen siyasetleşken” olğanımızda qabaatlamaq kerekmey. Aqibette, siyaset - bu kelecek aqqında subet. Sen uyğun sayğanıñ aqqında. Bu prioritetler ve istenilgen “yarın”nıñ sıfatı. Böyle manada siyasetni er saada yeri tapılır. Siyasetke bitaraflığını kösterseñ, demek yarınki künni belgilemek aqqıñnı başqa birevge bersin.
Söz sırası, türlü yarışı aqqında. Onıñ teşkilcileri siyasetke bağlı olmağanını qayd etmege seve. İşte, belki de, öyledir - amma tek bizim devletimizde degil. Bunıñ sebebi aydın: Ukrainanıñ çoqluğı içün esas söz “türkü” degil de, “Avropa”dır.
“Evrovision” - biz içün tsivilizatsion saylavnı yapmaqnıñ bir yoludır
Biz dünyanıñ qaysı qısmına ait olmaq istegenimiznen yaqında belgilendik. “Çoqtaraflıq” oyunında yaqınlarda vazgeçtik. Ve bu konkursta sade türkü yarışmasından ğayrı başqa şey körgenimiz şaşırtıcı degil. Viktor Tregubov doğru aytqanı kibi, bu yarış - devletimizniñ “medeniy diplomatiya sammiti”ne çevirildi.
“Evrovision” - biz içün tsivilizatsion saylavnı yapmaqnıñ bir yoludır. “Eski Avropa” içün bu konkursni biz kibi qabul etmek sebep yoq. İşte, İntiltere, Frenkistan ve Almaniyada Avropanıñ qısmı olalarmı, yoqmı degen sual yoq. Biz ise alâ daa şübelenemiz. Biz, bu coğrafik-siyasiy sıñırda keçkenimizde alâ daa emin degilmiz. Bunıñ içün qılıçlarımız keskin.
Amma Avropa olmaq - sadece onıñ içün yırlamaqta degil. Avropa olmaq - onıñ seyircileriniñ reylerini almaqta degil. Avropa olmaq - bu, birinciden, qaidelerge boysunuv. Ögümizde yañı oyun qaidelerini tizmek içün bir yılımız olğanı yahşıdır.
Ne ise, onsız da küreşmek içün yerimiz bar.
«Fikir» rubrikasında bildirilgen fikir-tüşünceler müelliflerniñ noqtaiy-nazarını bildirip, muarririyetniñ baqışları ile aynı olmaması mümkün