Martnıñ 29-ında OBSE-de Avropa Birliginiñ vekilligi ukrain siyasiy mabüs Pavlo Ğrıbnıñ makümindan raatsız olğanını bildirdi. Bu aqta Azatlıq Radiosı bildire.
Bildirüvge köre, AB, “Ğrıb yaqın vaqıtta azat etilip, ihtiyacı olğan mahsus tibbiy yardımını alacağını bekley”.
“İnsan aqları boyunca Avpora Mahkemesi talap etkeni kibi, ukrain ekimler oña yiberilmeli””, - deyler vekillikte.
Martnıñ 22-sinde Rusiyeniñ Rostov-na-Donu şeerindeki Şimaliy-Kavkaz okrugınıñ arbiy mahkemesi ukrainalı Pavlo Ğrıbnı 6 yılğa üküm etti. O, Rusiyede terror faaliyetine yardım etkeninde qabaatlandı.
20 yasındaki Pavlo Ğrıb bir qac ağır hastalıqnen hasta ve ağır alda buluna, o, daimiy tibbiy baqıluvğa muhtac.
2017 senesi avgustnıñ 24-nden Pavlo Ğrıb Beyazrusiyeniñ Gomelinde ğayıp oldı. Tuvğanlarınıñ bildirgenine köre, anda o, yaşağan Kyiv şeerinden internette tanış olğan Soçili qıznen körüşmek içün ketti. Pavlo (ğayıp olğanda 19 yaşında edi, şimdi – 20 yaşında) aynı künü Kyivge evge qaytacaq edi, amma ğayıp oldı. Tuvğanları ve imayesiniñ fikirince, onı Rusiye mahsus hızmetleri hırsızladı. Pavlo terrorizmge yardım etkeninde qabaatlana: qıznen yazışıp, Rusiye mekteplerinden birinde terakt yapmaq imkânını muzakere etken eken.
