Vesiqada, hususan, Rusiye apishanelerinde bulunğan cenk esirleri ve vatandaşlarnıñ aqlarınıñ bozuluvı qayd etile.
"Assambleya, bu mabüs ve esirlerniñ azat etilmesini temin etmek maqsadınen Rusiye Federatsiyasına basqını quvetleştirmek içün yañı impuls bermege çağıra", — dep aytıla metinde.
PACE, Rusiyeniñ halqara gumanitar uquq bozuvlarını aydınlatmaq içün halqara mehanizmlerniñ quvetleştirilmesiniñ müimligini qayd ete.
Ukrayina Tış işler nazirligi beyannameniñ qabul etilmesini alğışlap, o, "halqara toplulıqnıñ cenk esirleri ve vatandaş mabüsleriniñ taqdirine dair teren qasevetini" qayd etti.
"Ukraina PACE azalarına qol tutuvı ve birdemligi içün teren minnetdarlığını bildire. Bu qarar adaletni tiklemek, mesüliyetke çekmek ve devam etken tecavuz neticesinde peyda olğan gumanitar meselelerge diqqat celp etmek içün müim bir adımdır", — dep bildire müessise.
Sentâbrniñ 13-nde Rusiye ve Ukrayina 49 49-ğa formulası boyunca tutulğan şahıslarnı deñiştirdiler. Sentâbrniñ 14-nde Ukrayinağa daa 103 asker qayttı, olarnıñ arasında Mariupol qoruyıcıları da bar edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
