Link açıqlığı

Saatnıñ esas haberi

OSCE oturışında Ukraina, Qırım faali Prıhodkonı azat etmege Rusiyeden talap etti


Oleğ Prıhodko, arhiv
Oleğ Prıhodko, arhiv

Ukraina, ilhaq etilgen Qırımda yaqında yaqalanğan Ukraina tarafdarı olğan faal Oleğ Prıhodkonı azat etmege ve siyasiy sebepler ile tutulğan ukrainlerniñ cedveliniñ keñleşmesini toqtatmağa Rusiyeden talap etti. Bu talapnı Ukraina tarafı, oktâbr 17-sinde Vena şeerinde OSCE-niñ daimiy şurasınıñ oturışında aşkâr etti.

"Oktâbr 9-ında aqşam ukrain faaller Oleğ Prıhodko ve qadını (şaat olaraq) Qırımda evlerinde rusiye işğalci küç organlarınıñ hadimleri tarafından tutuldı. Keççe Prihodkonı "patlayıcı cihaznıñ qanunsız azırlamasında" ve "terror eyleminde" qabaatladılar. Keççe derc etilgen videoda körüne ki, rusiye işğalciler garajını öz başına tinttiler, Prihodko ise tışta turıp, uzaqtan baqmağa mecbur edi. Qırımtatar ve ukrain faallerniñ evlerine "qabaat delilleriniñ" taşlanması rusiye quvetçileri içün adiy bir şeydir". - denile Ukraina tarafınıñ beyanatında.

Ukrain diplomatlar, Oleg Prihodkonıñ davasınıñ siyasiy sebepleri bar ve deliller sahte, dep qayd ete.

"Biz böyle areketlerni tenqit kesen-kes tenqit etemiz ve tutulğan ukrainlerniñ cedveliniñ keñleşmesini toqtatmağa ve yaqalanğan mabüslerni, şu cümleden Prihodko efendini de, azat etmege rica etemiz", - denile beyanatta.

Ukrainanıñ bu beyanatına Rusiye tarafınıñ cevabı şimdilik yoq.

Prihodkonıñ tutulğanını oktâbrniñ 10-nda saba kezlevli ukrain faali, yedinci çağırılış Ukraina halq deputatı Eduard Leonov haber etti. Faalniñ ömür arqadaşı Lübov Prihodko da tutulğan edi.

FSB hadimleri Rusiye Ceza kodeksiniñ 223.1 (patlayıcı maddelerni qanunsız azırlanması) ve 205 (terror ücümi) maddelerine istinaden qabaatlay.

2019 senesi fevralniñ 8-nde Qırımdaki FSB idaresiniñ hadimleri Saq rayonınıñ Orehovo köyünde Oleg Prihodkonıñ evini tintken edi. Quvetçiler ukrain timsalleri, «Svoboda» firqasınıñ bayraqları, qırmızı-qara bayraqlar, Stepan Banderanıñ süretleri, tehnika ve ev CD-disklerini aldı. Tintüvden soñ Prihodkonı Aqmescitke alıp ketkenler, anda faaliyeti ve esas Ukraina ile bağları aqqında sorap sorğuğa çekkenler. Rusiye quvetçileri Prihodkonıñ evinde keçirilgen tintüvni izaatlamadı. 2016 senesi iyün ayında Rusiye quvetçileri faalni maşinasındaki ukrain nomeraları içün tutqan edi.

XS
SM
MD
LG