Rusiyeniñ mayısnıñ 9-nda Odesağa açqan ateşi neticesinde bir insan can berdi, beş kişi yaralandı. Bu aqta mayısnıñ 10-nda Ukraina Mudafaa nazirliginiñ «Yug» operativ komandanlığı bildirdi.
Berilgen malümatqa köre, Rusiye ordusı Odesağa qarşı aviatsiyasını qullandı, şeerge yedi raketa atıldı.
«Lâkin duşmannıñ raketa yedekleri bitkenine oşay, çünki artıq eski, sovet raketaları qullanıla. Strategik obyektlerni qıdırğan eski raketalar «pek telükeli» alış-veriş merkezini ve keniş qullanışlı azır mal anbarına zarar ketirdi», – dep aytıla haberde.
Saba saat 5:20-de yanğınlar daa söndürile edi.
Mayısnıñ 9-nda Odesanıñ şeer şurası şeerge açılğan ateş neticesinde yaralanğan eki kişi aqqında bildirgen edi.
O künü «Yug» operativ komandanlığı Rusiye ordusı işğal etilgen Qırımdaki «Bastion» raketa kompleksinden Odesa vilâyetine «Oniks» çeşitli dört raketanen darbe endirdi.
Aynı künü şeerni Avropa şurasınıñ reisi Şarl Mişel de ziyaret etti.
Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net . Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
