Odesada avgustnıñ 18-i «Tokio Star» musafirhanesinde çıqqan yanğın sebebinden matem künü olaraq ilân etildi. Böyle bir qarar Odesa vilâyeti devlet memuriyetiniñ saytında derc etildi, dep bildire Azatlıq Radiosı.
Vesiqağa binaen, devlet akimiyeti ve yerli idare organları, devlet müessiseleri ve teşkilâtlarınıñ binalarında devlet bayrağı endirilecek.
Avgustnıñ 17-ne keçer gecesi Odesadaki «Tokio Star» otelinde yanğın çıqtı, onıñ neticesinde 8 kişi elâk oldı, on insan hastahanege alındı. Daa soñra Fevqulâde vaziyetler devlet hızmeti 9 kişi elâk oldı, dep bildirdi.
Odesa vilâyeti politsiyasınıñ yolbaşçısı Oleg Beh politsiya yanğın sebeplerini ögrene ve üç versiyasını baqa, dep ayttı.
