Link açıqlığı

Saatnıñ esas haberi

Odesa politsiyası «Tokio Star» otelindeki yanğın sebeplerini aydınlattı


Politsiya sekiz insan elâk olğan «Tokio Star» musafirhanesindeki yanğınnıñ üç versiyasını baqmaqta. Odesa vilâyeti Milliy politsiyasınıñ baş idaresiniñ yolbaşçısı Oleg Behniñ qayd etkenine köre, planlaştırılğan ateşke berüv versiyası baqılmaqta.

«İlk versiya – öldürüvdir, bu cinayetni gizlemek maqsadınen ateşke berüv ola bile. Ekinci versiya – yanğın telükesizligi qaideleriniñ bozuluvıdır. Üçünci versiya – bu otelde olğan musafirler tarafından ateşniñ diqqatsız qullanılması», – dedi Beh.

Onıñ qayd etkenine köre, elâk olğan sekiz insandan dördü otel koridorında tapıldı.

«İnsanlar is gazından zeerlenip elâk oldı. Cesetler ölüm sebeplerini ögrenmek içün tedqiq etilecek», – dedi vilâyet politsiyasınıñ yolbaşçısı.

«Tokio Star» oteli yerleşken bina saibi, iş adamı Vadim Çernıy avgustnıñ 17-ne keçer gecesi sekiz insan elâk olğan musafirhane yanğınını izaatladı.

«Felâket oldı. Bizim er angi bir qabaatımız olsa, mesüliyetke çekilecekmiz, birinciden men», – dedi o, Azatlıq Radiosına.

Avgustnıñ 17-ne keçer gecesi Odesanıñ «Tokio Star» otelinde yanğın oldı. Qaza neticesinde 8 insan elâk oldı, daa 10 kişi yaralandı.

XS
SM
MD
LG