Link açıqlığı

Saatnıñ esas haberi

İşten boşağan İlyasov yerine parlament başınıñ yardımcısı tayinlendi


Edip Gafarov

Kreml nezareti altındaki Qırım Devlet Şurasınıñ prezidiumı rusiyeli parlament başınıñ yardımcısı vazifesine Edip Gafarovnı tayinledi.

“Krıminform” neşiri haber etkenine köre, rey berüvde 56 deputattan 54 bu qararğa qoltutqan.

Daa evel, Milletlerara munasebetler komitetiniñ reisi, Edip Gafarovnıñ namzeti Qırım Devlet Şurasınıñ prezidiumı rusiyeli parlament başınıñ yardımcısı vazifesine teklif etilgen edi.

Bundan evel, Kreml nezareti altındaki Qırım parlamenti başınıñ yardımcısı Remzi İlyasov istifa arizası yazğan edi.

Halqara teşkilâtlar Qırımnıñ işğal ve ilhaqını qanunsız dep tanıdı ve Rusiyeniñ areketlerini takbih etti. Ğarbiy memleketler bir sıra iqtisadiy cezalarnı kirsetti. Rusiye işğalni red ete ve öz amellerini “tarihiy adaletniñ ğayrıdan tiklevi” dep adlandıra. Ukrainanıñ Yuqarı Şurası, 2014 senesiniñ fevralniñ 20-sini Rusiye tarafından Qırım ve Aqyar vaqtıncalıq işğalniñ başlanuv künü dep resmiy olaraq ilân etti.

XS
SM
MD
LG