Bu afta daa bir Qırım kollaborantı - Remzi İlyasov – yarımadanıñ rusiyeli akimiyetinde öz vazifesinden boşadı. Rusiyeli Qırım parlamentiniñ matbuat hızmeti haber etkenine köre, reis muavini müddetinden evel işinden boşacağı aqqında ariza yazğan.
Remzi İlyasov 1958 senesi Özbekistan SSCnıñ Fergana şeerinde dünyağa kele. 1983 senesi Tomsk Müendislik-Qurulış İnstitutınınıñ “Qurucılıq malzemeleri sanayınıñ iqtisadiyat ve teşkilâtlandıruvı” bölüginden mezun olıp, müendis-iqtisatçı zenaat saibi ola. Tanışları onıñ daima karyera qurmağa ıntılğanını qayd ete. İnstitutnı bitirgen soñ o başqa yerge barmadan, doğrudan-doru Fergana vilâyet icra komitetine işke kirgemege istegenine şaşmağa sıra tüşmey. Yaşlıqta İlyasov iş boyunca ilerilevi daa muvaffaqiyetli olsun dep, rus adını bile almağa istegeni aqqında laflar yüre.
Amma qırımtatar kolaborantları içün saylav neticeleri qayğılı edi – qırımtatarlar saylavğa barmadı. Amma Remzi İlyasov rys yetekçilerine halq oña qoltutacaq dep işandırğan edi de.
Qırımtatarlar öz Vatanına avdet etken soñ, Remzi İlyasov akimiyette büyük vazifelerde çalışmaq içün, qırımtatar milliy areketni qullanmaq mümkün olacağını añlay. O, qırımtatarlarnıñ temsiliy organına qoşulıp, Meclis azası ola. Ve birden Reskomnats idare başlığı vazifesinden başlap, QMC-niñ Yuqarı Şurasında daimiy komissiyasınıñ reisi vazifelerine qadar yüksele.
Amma Qırımda “referendum” keçirile. Remzi İlyasov, milletniñ qararı ve Meclisniñ siyasetine boysunmayıp, rusiyeli akimiyet tarafına keçe. Oña 2014 seneniñ saylavlarında “galipler taqımı” terkibinde rusiyeli akimiyetke kirmege teklif etile. Onen beraber Meclisniñ azaları Zaur Smirnov ve Teyfuk Gafarov da rusiyeli akimiyetniñ organlarına yüksek vazifelerge kete. Bularnıñ ekisi de endi masharalıq ile öz vazifelerinden boşatıldı.
Lâkin qırımtatar kolaborantları içün saylav neticeleri qayğılı edi – qırımtatarlar saylavğa barmadı. Amma Remzi İlyasov rus yetekçilerini halq oña qoltutacaq dep işandırğan edi de. Bu vade içün oña tap rusiyeli Qırım akimiyeti yolbaşçısınıñ muavini vazifesi berildi. Amma insanlar qoltutmadı, bundan da ğayrı, onıñ qırımtatarlar arasında olğan cemaat erbabı namı da ğayıp oldı. Endi ise, İlyasov akimiyette bulunsa da, iç bir şeyge tesir etip olamağanı belli oldı.
Mevzunen bağı olaraq: Rusiyede «qazandılar»: Qırımda «milliy mesele» yetekçileri nasıl etip zengin oldı
Yetekçileri ögünde özüne aqlama teşebbüsi olaraq «Qırım» cemaat teşkilâtını qura. İşbu areketniñ maqsadı - qırımtatarlarnı ilhaq etilgen Qırımda keçecek saylâvarda iştirak etmege inandırmaq edi. Aqmescitte, bücet saalarında çalışqan qırımtatarlarnı mecburiy göñülli olaraq toplap, tazyıq altında teşkilâtnı tesis etüv toplaşuvı ötkerile. Lâkin iş yerinden qıbırdamay. Halq Rusiye tarafdarı olğan bu areketnen kesen-kes iş tutmağa istemegeni kibi, kerek maliyeviy yardım da çezilmey qala. Ne yapsañ da, qırımtatar iş adamları semetdeşleri aldatılğanı içün para bermege istemeyler, işte.
İlyasov özüne, onıñ içün paalığa patlağan yüksek bir pensiya elde etti. Aynı zamanda oña yabancı olıp qalğan halqı tarafından nefret de qazandı.
Neticede soñradan keçken saylâvlar İlyasov ile onıñ yetekçileri içün bayağı kederli keçe – qırımtatarlar Qırımnıñ rusiyeli ükümeti keçirgen saylâvlarğa barmaylar. İlhaq etilgen yarımadada ötekerilgen Rusiye prezidenti soñki saylavlarınıñ neticesi yetekçileriniñ sabırını taşırdı. Bu tam manada bir muvafaqiyetsizlik oldı – em İlyasov, em de memurlar ne qadar areket etken olsa da, qırımtatarlar kene de barmadılar. İşte bu yerde yetekçilerniñ sabrı tükendi. Olar İlyasovğa işanğanları yañlış olğanını añladılar, demek ki, o olar içün öz emiyetini coyğan olıp çıqtı. Saylâvlar biter-bitmez mart ayında İlyasovqa öz ihtiyarınen çalışqan vazifesinden ketmek içün ariza yazsın dep teklif etile. O, aytılğanını yapa. Kerçek, beñzer arizalarnı milletlerara munasebetlerni baqqan bazı rayon memuriyetiniñ muavinleri yazması da teklif etile. Meselâ, Qarasuvbazar rayonında Nazim Yunusov da öz vazifesinde marum etile, albuki rayon memuriyeti onıñ işinden memnün edi.
Yanıqtan dünyası qararğan İlyasov öz reberi Vladimir Konstantinovnıñ ögüne, pensiyağa qadar çalışması içün yetekçilerni qandırsın degen ricanen başını egip bara. Konstantinov öz muavinini acıp öz yetekçilerinen İlyasovnıñ istifası keçiktirilmesi boyunca añlaşa. Meger, bu da uzaq sürmeycek eken. İyülde İlyasov bir daa ariza yazmağa mecbur qalıp, öz vazifesini terk ete.
İlyasov özüne, onıñ içün paalığa patlağan yüksek bir pensiya el etti. Aynı zamanda oña yabancı olıp qalğan halqı tarafından neftret de qazandı. İhtimal, İlyasov pensiyağa çıqqan soñ, tanışlarınen sübetleşken vaqıtta peşman etkeni ve aqlını toplap, hatasını añlağanı aqqında aytır. Lâkin oña birisi inanır ekenmi?..
Zarema Seitablayeva, Qırım sakini, bloger (telükesizlik maqsadı ile muellifniñ adı ve soyadı deñiştirildi)
«Bloglar» rubrikasında ifade etilgen fikirler muelliflerniñ öz noqta-i nazarlarını aks etip, muarririyetniñ noqta-i nazarını aks etmesi şart degil