Link açıqlığı

Saatnıñ esas haberi

Mahkeme, Bağçasaraydaki «Hizb ut-Tahrir işi» figurantlarınıñ tevqif etilgenlerine qarşı şikâyetleriniñ baqılmasını başqa künge keçirdi


İyün 14-te Rusiyeniñ kontroli altında olğan Qırım Yuqarı mahkemesinde Bağçasaraydaki «Hizb ut-Tahrir işi» figurantları Timur İbragimov, Ernest Ametov ve Server Zekeryayevniñ işleri boyunca mahkeme oturışuvları başqa künge keçirildi.

«Qırım birdemligi» birleşmesiniñ bildirgenine köre, oturışuvlar 2018 senesi iyün 18-ge keçirildi. Mahkeme İbragimov, Ametov ve Zekiryayevge sıñırlav tedbiriniñ uzatılmasına dair mahkeme qararına qarşı berilgen apellâtsion şikâyetni baqacaq.

İlhaq etilgen Qırımda Rusiye telükesizlik hadimleri 2017 senesi oktâbr 12-de altı Bağçasaray sakini – Timur İbragimov, Marlen (Suleyman) Asanov, Memet Belâlov, Seyran Saliyev, Server Zekiryayev ve Ernest Ametovnı tevqif ettiler. FSB olarnı «Hizb ut-Tahrir» teşkilâtınıñ azaları olğanında qabaatlay. Kremlniñ kontroli altında olğan Aqmescitteki Kiyevskiy rayon mahkemesi yaqalanğanlar içün apis etilüv şeklinde sıñırlav tedbirini sayladı.

«Hizb ut-Tahrir işi» boyunca tevqif ve mahküm etilgen Qırım sakinleriniñ qorçalayıcıları, olarnıñ diniy alâmetke köre taqip etilgenlerini sayalar. Advokat Emil Kurbedinov, bu iş boyunca Rusiye uquqqoruyıcı organları tarafından taqip etilgenlerniñ esasen qırımtatarlar olğanlarını ve olarnen birlikte İslâm dinini kütken ukrainler, ruslar, tacikler, azerbaycanlar ve diger etnik gruppalarğa ait Qırım sakinleriniñ taqip etilgenlerini qayd ete.

«Hizb ut-Tahrir» halqara siyasiy İslâm teşkilâtınıñ vekilleri öz vazifesini, bütün musulman devletleriniñ bir İslam hilâfeti içinde birleştirilmesi, dep köstereler. Lâkin olar buña irişmek içün terroristik usullarnıñ qullanılmasını red ete ve Rusiyede aqsız yerde taqip etilgenlerini aytalar. 2003 senesinde Rusiyeniñ Yuqarı mahkemesi «Hizb ut-Tahrir»ni, «terroristik» tanılğan 15 birleşmeniñ cedveline kirsetip, yasaq etti.

XS
SM
MD
LG