Ukraina ve Poloniya TİNleri Rusiye tarafından Qırımnıñ ilhaq etilmesiniñ uquqiy neticeleri ve onıñ toqtatılması içün ileride yapılacaq areketlerine dair mevamlarını uyğunlaştırdılar. Bunı Poloniyadaki Ukraina elçiligi Facebooktaki saifesinde bildire.
Bildirüvde: «Taraflar, Ukrainanıñ suveren territoriyasınıñ bir qısmı olğan Qırım Muhtar Cumhuriyeti ve Aqyarnı işğal etip halqara uquqnı bozğan Rusiyeniñ areketlerini bir manalı tarzda taqbih ettiler. Halqara uquqqa tekrar ürmet qazandırmaq ve Rusiyeniñ işğalini toqtatmaq maqsadınen bundan soñ devam etecek uyğunlaştırılğan halqara ğayretlerniñ emiyeti urğulandı», – denile.
Bildirüvde, Poloniya TİNi «dünya tarafından tanılğan sıñırlar içinde Ukrainanıñ topraq bütünligi ve suverenitetine qol tutuv mevamınıñ deñişmeycegini tasdiqladı», dep işaret etildi.
Bidlirilgenine köre, eki devletniñ tışqı siyaset muessiseleri, «Rusiye, işğal etken territoriyalarını azat etmek için neticeleri körüngen areketler yapmasa, halqara toplulıq tarafından Rusiyege qarşı, Qırım ve Ukrainanıñ Şarqındaki uquqsız areketleri içün tatbiq etilgen sanktsiyalarnı şiddetlerştirmek kerek», dep qayd ettiler.
Ukraina elçiliginde: «Sanktsiyalar, Ukrainanıñ topraq bütünligi tolusınen tiklenilmegence devam etmek kerekler», – dep qayd ettiler.
Mayıs 17-de Poloniya Tış işleri nazirligi, Keriç boğazı üstünden köpürniñ qurulmasına, «halqara uquqnıñ qaba bir bozuluvı» dedi.
Международные организации признали оккупацию и аннексию Крыма незаконными и осудили действия России. Страны Запада ввели ряд экономических санкций. Россия отрицает оккупацию полуострова и называет это «восстановлением исторической справедливости». Верховная Рада Украины официально объявила датой начала временной оккупации Крыма и Севастополя Россией 20 февраля 2014 года.
