Link açıqlığı

Saatnıñ esas haberi

Keriç köprüni Keriç boğazınıñ tübündeki topraq üstünde qurmaq olmay edi. Bunı «Zavtra» yayınınıñ (Azatlıq Radiosı ve «112 Ukraina» telekanalınıñ ortaq leyhası) efirinde Rusiye ilimler akademiyasınıñ üyken ilmiy hadimi, geologiya-mineralogiya ilimleriniñ namzeti Yuriy Medovar bildirdi.

Onıñ aytqanına köre, tasdiq etilgen qurucılıq leyhası, zelzele telükesi olğan zonada bulunğan boğaznıñ balçıqlı, qumlu toprağına kelişmey.

Rusiye eksperti: «Men defalarca qayd ettim: köpürni qurmaq olmay. Keriç köprüniñ esas telükesi, eñ başından qurucılıq normaları ve qaideleriniñ bozuluvında edi. Olarda aytılğanına köre, kemerli köpür, ve bu tamam kemerli köpürdir, zelzele telükesi olğan rayonlarda, ve bu tamam zelzele telükesi olğan rayondır, yalıñız çökmegen ve yükni tutqan granit kibi ya da oña oşağan topraq soylarında qurulmaq mümkündir. Keriç boğazınıñ tübü ise, suvu ve qumu bol olğan yarı qattı balçıqlar. İşte bu sebepten çatlaqlar ve çökmeler peyda ola», – dep qayd etti.

Bu hususta daa tafsilâtlı malümatnı Qırım.Aqiqat saytındaki «Men qayd etken edim: köpürni qurmaq olmay» – ekspert Keriç köprüniñ esas telükesini bildirdi» materialında oquñız.

Keriç boğazı üstünden qurulğan köpürniñ avtoyol qısmı yengil avtomobillerniñ areketi içün mayıs 16-da açıldı. Köpürniñ demiryol qısmı daa qurulıp bitirilmedi.

Ukraina prezidenti Petro Poroşenko, Rusiye tarafından ilhaq etilgen Qırımda Keriç köprüniñ qanunsız qurulması, Kremlniñ halqara uquqqa itibar etmegeniniñ nevbetteki delilidir, dedi.

Avropa Birligi ve AQŞ Rusiye territoriyası ile ilhaq etilgen Qırım arasında Keriç köprüniñ qısmen açılmasını sert bir şekilde tenqit ettiler.

Rusiye prezidenti Vladimir Putin Keriç boğazından keçit qurmaq niyeti aqqında Qırımnıñ işğalinden aman soñra, 2014 senesiniñ martında ilân etti. Köpür 2018 senesine qadar qurulacaq ve 2019 senesiniñ yazında işletüv içün açılacaq, dep vade etildi. Ukraina tarafı Rusiye ile köpürniñ qurulması aqqında añlaşmadan 2014 senesinde – Qırım Rusiye tarafından ilhaq etilgen soñ çıqtı.

XS
SM
MD
LG