Link açıqlığı

Saatnıñ esas haberi

QMC Prokuraturası Qırımda televizion şirketleriniñ mal-mülküni hırsızlav faktlarını toplay


QMC Prokuraturası, Halqara cinaiy mahkemege bermek maqsadınen Qırımda televizion şirketlerine ait mal-mülküni qanunsız olaraq zapt etüv vaqialarınıñ delillerini toplay.

Bu, Ukrainanıñ televideniye ve radio yayınlav meseleleri boyunca Milliy şurasında yayınlayıcılar ve cemiyet teşkilâtlarınıñ vekilleri ile yapılğan «tögerek masa»nıñ oturışuvında aytıldı, dep bildire QMC Prokuraturasınıñ matbuat hizmeti.

Muessiseniñ bildirüvinde: «Cenk şaraitleri ile talap etilmegen, hususiy ve uquqiy şahıslarnıñ mal-mülküni qanunsız zapt etüv, arbiy cinayettir», – denile.

QMC Prokutarası, Halqara cinaiy mahkemege yollamaq maqsadınen, tele ve radio teşkilâtlarınıñ vekillerini, ilhaq etilgen Qırımda olarğa qarşı qanunsız areketlerniñ yapılması aqqında munasip arizalar ile muracaat etmege davet etti.

Aprel 10-da Ukraina jurnalistleri milliy birliginiñ konferents-zalında Qırımtatar jurnalistikası kününe bağışlanğan «tögerek masa» keçti. Tedbirde Qırım jurnalistleri, aq-uquq qorçalayıcıları ve Qırımtatar Milliy Meclisiniñ azaları ilhaq etilgen Qırımda söz serbestligi saasındaki vaziyetni, yarımadada vatandaş jurnalistlerine qol tutuv ve qırımtatar kütleviy haber vastalarını inkişav ettirüvni muzakere ettiler.

XS
SM
MD
LG