Link açıqlığı

Saatnıñ esas haberi

Qırımda mahkeme faaliyetçi Razzakovğa polis hadimine aqaret etkeni içün cöreme tayin etti


Şevket Razzakov
Şevket Razzakov

Kremlniñ kontroli altında olğan Bağçasaray Sulh mahkemesi qırımtatar faaliyetçisi Şevket Razzakovnı, vazife mecburiyetlerini eda etken ukümet vekiline halq ögünde aqaret etkeninde (Rusiye Cinaiy kodeksi, 319-ncı madde) qabaatlı tanıdı ve oña 20 biñ ruble (qararnen 8400 hrivna) miqdarında cöreme tayin etti. Bunı Qırım.Aqiqat muhbiri bildire.

Razzakov, mahkeme qrarına qarşı şikâyet berecegini bildirdi.

«Zarar körgen şahıs ve şaatlar yalancı ifadeler berdi. Bu kişi, men oña tükürgenimni ayttı. Böyle bir şey olmadı. Biz qarar ile razı degilmiz. Advokat ile beraber oña qarşı şikâet etecekmiz», – dedi faaliyetçi.

Daa evel qabaatlav mahkemede 300 saatlıq mecburiy cemiyet işlerini istey edi.

2017 senesi aprel 13-te Rusiye telükesizlik hadimleri Bağçasarayda Seydamet Mustafayevniñ evini tintti. Qırımtatar faaliyetçileri, ve olarnıñ arasında Razzakov, polisniñ areketlerini közetmek içün toplaştılar. Polis ve OMON hadimleri, küç qullanıp, toplaşqanlarnı dağıtıp başladılar. Neticede 7 kişi yaqalandı. Razzakovğa ise polis hadimine «tükürüv şeklinde ifade etilgen» aqaret etkeninde qabaatlav taqdim etildi.

İlhaqtan soñ Qırımda Rusiyeniñ amelde akimiyeti mustaqil jurnalistler, vatandaş faaliyetçileri, Qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli sayılğan Qırım musulmanlarınıñ evlerinde muntazam surette kütleviy tintüvler ötkere.

XS
SM
MD
LG