Link açıqlığı

Saatnıñ esas haberi

Qabaatlav faaliyetçi Razzakov içün 300 saat cemiyet işleri istedi


Kremlniñ kontroli altında olğan Bağçasaray Sulh mahkemesinde prokuror, polis hadimini aqaretlegeninde qabaatlanğan qırımtatar faaliyetçisi Şevket Razzakov içün 300 saat cemiyet işleri istedi. Bunı Qırım.Aqiqat muhbiri bildire.

Razzakovnıñ advokatı Mammet Mambetov, munaqaşalar esnasında qorçalav faaliyetçiniñ tam bir qabaatsızlığını imaye ete edi, dep bildirdi.

Mambetov: «Onıñ areketlerinde cinayet terkibi yoq. Mahkeme davası esnasında biz, imayemiz altında bulunğanınıñ qabaatsız olğanını tam olaraq isbatladıq. Akem muşavere odasına ketti», – dep ikâye etti.

Şevket Razzakovğa qarşı ukümniñ ilân etilmesi aprel 24 saat 9:00-ğa tayin etildi.

2017 senesi aprel 13-te Rusiye telükesizlik hadimleri Bağçasarayda Seydamet Mustafayevniñ evini tinttiler. Qırımtatar faaliyetçileri, ve olarnıñ arasında Razzakov, polisniñ areketlerini közetmek içün toplaştılar. Polis ve OMON hadimleri, küç qullanıp, toplaşqanlarnı dağıtıp başladılar. Neticede 7 kişi yaqalandı. Razzakovğa ise polis hadimine «tükürüv şeklinde ifade etilgen» aqaret etkeninde qabaatlav taqdim etildi.

İlhaqtan soñ Qırımda Rusiyeniñ amelde akimiyeti mustaqil jurnalistler, vatandaş faaliyetçileri, Qırımtatar milliy areketiniñ faaliyetçileri, Qırımtatar Milliy Meclisiniñ azaları ve Rusiyede yasaq etilgen «Hizb ut-Tahrir» teşkilâtı ile alâqalı olğanlarından şübheli tanılğan Qırım musulmanlarınıñ evlerinde muntazam surette kütleviy tintüvler yapa.

XS
SM
MD
LG