Link açıqlığı

Saatnıñ esas haberi

Ukrainada Qırım ve Donbasstan kelgen devlet içindeki köçkenlerniñ sayısı arttı – nazirlik


İşğal etilgen Qırım ve Donbasstan kelip Ukrainada qayd etilgen devlet içindeki köçkenlerniñ sayısı, aprel 23-teki vaziyetke köre, 1 mln 496 biñ 713 kişini teşkil ete. Bunı Ukraina İçtimaiy siyaset nazirliginiñ matbuat hizmeti bildire.

Muessiseniñ malümatına köre, bu, 2018 senesiniñ başındaki sayısından 9,2 biñ kişi ziyadedir.

Bildirüvge köre, Kyiv şeeriniñ ve vilâyetlerniñ devlet memuriyetleri strukturalarındaki ealiniñ içtimaiy qorçalav bölükleri bergen malümatqa binaen Qırımdan ve Donbasstan kelgen 1 mln 222 biñ ve 289 qoranta esapqa alındı.

Aprelniñ ortasında, Qırımdan ve Donbassta terrorizmge qarşı operatsiya keçken zonadan devlet içinde köçkenlerden qararnen 1 biñ şahısnı mesken ile temin etmek içün Almaniya tarafından Ukrainağa 9 mln yevro miqdarında grant ayırılğanı aqqında belli oldı.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevral 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG