Link açıqlığı

Saatnıñ esas haberi

Vaşington ve Kyiv Rusiyeni «Qırımnıñ işğalini toqtatmağa» davet ettiler – AQŞ Devlet departamenti


Con Sallivan
Con Sallivan

AQŞ devlet kâtibi vazifesini eda etken Con Sallivan ve Ukraina tış işleri naziri Pavlo Klimkin Torontodaki körüşüvleriniñ neticesi boyunca Rusiyeni «Minsk añlaşmaları boyunca mecburiyetlerini tolu kölemde yerine ketirmege ve Qırımnıñ işğalini toqtatmağa» davet ettiler.

Bunı AQŞ Devlet departamentiniñ spikeri Hizer Nauert Twitterde bildirdi.

Ondan ğayrı, Sallivan, Klimkin ile körüşüvi esnasında «Rusiyeniñ tecavuzına qarşı Ukrainanıñ suvereniteti ve topraq bütünligine şartsız olaraq qol tutqanını tasdiqladı», dep bildire Nauert.

Aprel 22-de Torontoda «Yediler gruppası» tış işleri nazirleriniñ körüşüvi keçe. Onda Ukraina tış işleri naziri Pavlo Klimkin ilhaq etilgen Qırımda mahküm etilgen ukrain faaliyetçisi Volodımır Baluhnıñ açlığı meselesini ortağa qoymaq istey.

Daa evel AQŞ Devlet departamenti insan aqlarını qorçalav maruzasını çıqardı. Onda, ilhaq etilgen Qırımda Rusiye telükesizlik hizmetleri ve em de Donbassta «DNR» ve «LNR» gruppirovkalarına ait uruşmacılarnıñ vekilleri kütleviy surette insan aqlarını bozalar, denile.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevral 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG