Link açıqlığı

Saatnıñ esas haberi

Qırımda mahkeme Bağçasaraydaki «Hizb ut-Tahrir işi» figurantlarınıñ tevqifini uzattı


Мы будем обжаловать решение суда – адвокат о Бахчисарайском деле Хизб ут-Тахрир (видео)
Bekleñiz, lütfen

No media source currently available

0:00 0:00:29 0:00

Aprel 20-de Kremlniñ kontroli altında olğan Qırım Yuqarı Mahkemesi Bağçasaraydaki «Hizb ut-Tahrir işi»niñ dört figurantına sıñırlav tedbiriniñ uzatılması aqqında qararını quvette qaldırdı. Remzi Memetov, Enver Mamutov, Zevri Abseitov ve Rustem Abiltarov mayıs 12-ge qadar azatlıqtan marum etilgen alda qalacaqlar. Bunı Qırım.Aqiqat muhbiri bildire.

Advokat Emil Kurbedinov, Qırım Yuqarı Mahkemesinde apellâtsiyanı baqmaq içün artıq vekâleti yoq edi, çünki «Bağçasaray dörtlügi»niñ işi bundan evel Şimaliy Kavkaz mahkemesine baqılmaq içün berilgen edi.

«Bu işniñ figurantlarına sıñırlav tedbiriniñ uzatılması Yuqarı mahkemeniñ baqılacaq işi degil edi. Bizde, mart 28-de bu işniñ Rostov-na-Donu şeerindeki Şimaliy Kavkaz arbiy mahkemesine berilgeni aqqında malümat bar edi. Böylelikle, uzatuvnı tamam bu mahkeme baqmaq kerek edi. Lâkin qabaatlav hulâsasını endi tasdiqlağan ve bu işke artıq iç bir alâqası olmağan prokuraturanıñ istegi ile tevqifniñ uzatıluvı baqıldı. Biz bunı ciddiy biz bozuluv saya ve bu qararğa qarşı Rusiye Yuqarı mahkemesine şikâyet etecekmiz», – dedi o.

Oturışuv endi ananeviy şekilde qapalı rejimde keçe edi, lâkin akem hanım, mahkeme qararınıñ oqulması esnasında qabaatlanğanlarnıñ aqrabalarına içeride bulunmağa izin berdi. İşniñ figurantları oturışuvda videoalâqa vastasınen iştirak etti.

2016 senesi mayıs 12-de Bağçasarayda Rusiye telükesizlik hadimleri musulmanlar, qırımtatarlarnıñ evlerini ve yerli qavehaneni tinttiler. Neticede dört Bağçasaray sakini: Zevri Abseitov, Remzi Memetov, Rustem Abiltarov ve Enver Mamutov yaqalanıp, terrorizmde qabaatlandılar. Olarnı, Rusiyede terroristik tanılğan «Hizb ut-Tahrir» teşkilâtında iştirak etkenlerinden dolayı şübheli sayalar.

«Hizb ut-Tahrir» halqara siyasiy İslâm teşkilâtınıñ vekilleri öz vazifesini, bütün musulman devletlerini bir İslam hilâfeti içinde birleştirüvde köreler. Lâkin olar buña irişmek içün terroristik usullarnıñ qullanılmasını red ete ve Rusiyede aqsız yerde taqip etilgenlerini aytalar. 2003 senesinde Rusiyeniñ Yuqarı mahkemesi «Hizb ut-Tahrir»ni yasaq etip, «terroristik» olaraq tanılğan 15 birleşmeniñ cedveline kirsetti.

«Hizb ut-Tahrir işi» boyunca tevqif ve mahküm etilgen Qırım sakinleriniñ advokatları, olarnıñ taqip etilüvi din alâmetine köre yapıla, dep sayalar. Advokatlar, bu iş boyunca Rusiye uquqqoruyıcı organları tarafından esas olaraq qırımtatarlar ve olardan ğayrı İslâm dinini kütken ukrainler, ruslar, tacikler, azerbaycanlar ve diger etnik gruppalarğa ait Qırım sakinleriniñ taqip etilgenini qayd eteler. Halqara uquq işğal etilgen territoriyada işğalci devletniñ qanunlarını tatbiq etmekni yasaq ete.

XS
SM
MD
LG