Nikita nebatat bağçasınıñ bir qısmı olğan Primorskiy parkınıñ territoriyasında interaktiv dinozavrlar sergisi donatıldı.
Qırım.Aqiqat muhbiriniñ bildirgenine köre, bundan soñ ziyaretçiler, aralarında dinozavrlarnıñ maketleri yerleştirilgen relikt osümlikler arasında geze bilecekler. Dinozavrlarnıñ maketleri interaktiv, areket sensorları insannıñ bulunmasını tayin eteler.
Nikita nebatat bağçası mudiriniñ muavini Andrey Paştetskiynıñ aytqanına köre, Primorskiy parkınıñ territoriyasında 19 dinozavr modeli yerleştirildi. Eñ büyük dinozavrnıñ yüksekligi sekiz metrge yaqın.
Aprel 13 cuma künü Yaltada Nikita nebatat bağçasınıñ kollektsiyasından olğan lâlelerniñ ananeviy «Lâleler paradı» sergisi açıldı. Kelgenler sergi meydançığında nebatat bağçasınıñ ilmiy kollektsiyasından, türlü güllev seviyesinde olğan 73 biñ lâleni körmek mumkün ediler.
