Link açıqlığı

Saatnıñ esas haberi

CIA başlığı Qırım ilhaqınınıñ tanılması aqqında: «Bunıñ olmaması içün dögüşecem»


AQŞ devlet kâtibi vazifesine namzet, CIA mudiri Mayk Pompeo
AQŞ devlet kâtibi vazifesine namzet, CIA mudiri Mayk Pompeo

AQŞ devlet kâtibi vazifesine namzet olğan CIA mudiri Mayk Pompeo, Rusiye tarafından Qırımnıñ ilhaqını tanımaycağını bildirdi.

Pompeo, Senattaki diñlemeler esnasında: «Bunıñ olmaması içün dögüşecem. Bu prezidentniñ qararıdır, lâkin ebet, bu, asla qabul etilmez adım olur edi», – dedi.

Ukrainağa öldürici silânıñ berilmesine qol tutasızmı, degen sualge memur musbet cevap berdi ve, Moskva Minsk añlaşmalarınıñ ukümlerini yerine ketirmegence ve tecavuzını toqtamağance, Ukrainadaki tecavuzı içün Rusiyege qarşı tatbiq etilgen sanktsiyalarnıñ quvette qalmaq kerekligini tasdiqladı.

Mart 13-te AQŞ prezidenti Donald Tramp, Reks Tillersonnı AQŞ devlet kâtibi vazifesinden azat etkenini bildirdi. Prezident, Amerikanıñ tış işleri muessisesiniñ başına Merkeziy istihbarat idaresi (CIA) mudiri Mayk Pompeonıñ keçecegini ve onıñ muavini Cina Gaspel CIAnıñ başlığı olacağını qayd etti.

XS
SM
MD
LG