ABD prezidenti Donald Trump devlet kâtibi vazifesine namzet etip köstergen CİA müdiri Mike Pompeo Rusiyege qarşı daa da şiddetli yol devam ettirmek niyetinde. Bu aqta o aprelniñ 12-nde Kongresste, onıñ namzeti tasdıqlanacağınen alâqalı ötekrilecek diñlevlerde ilân etmek niyetinde dep haber ete Azatlıq Radiosı.
«Rusiye çoq yıllar devamında onıñ tecavuzına nisbeten yımsaq munasebet kösterilgeni içün agressiv davranmağa devam ete. Buña yekün çekme vaqtı keldi», – denilmekte Pompeonıñ diñlevlerden evel tarqatılğan stenogrammasında.
Trump martnıñ 13-nde ABDniñ lideri sabıq devlet kâtibi Rex Tiilersonnı vazifesinden azat etken soñ, sabıq cumhuriyetçi kongressmen Mike Pompeonı tış siyaset idaresiniñ reberi olaraq tayin etecegi aqqında ilân etken edi.
