Qırım Muhtar Cumhuriyeti prokuraturası, Kremlniñ kontroli altında olğan Qırım saylav komissiyasınıñ başlığına, «anayasa qurumunıñ zornen deñiştirilmesi ya da devrilmesine doğrultılğan areketlerden, Ukrainanıñ topraq bütünligine qast etkeninden ve devletke hainlik etkeninden» şübheli olğanını bildirdi.
Şübheli Ukraina vatandaşı ilhaq etilgen Qırım territoriyasında bütün qanunsız saylav ceryanlarınıñ azırlanması ve ötkerilmesinde esas figurant ola. Bunı mart 20-de muessiseniñ matbuat hizmeti bildire.
«Tayin etildi ki, 2010 senesinden başlap, o, Qırım Muhtar Cumhuriyeti saylav komissiyasınıñ reisi sıfatında, sözde «umum Qırım referendumı»nıñ ötkerilmesi boyunca Qırım Muhtar Cumhuriyeti Komissiyasınıñ başlığı olmağa razı oldı… Böylelikle o, yarımadanıñ Ukrainadan ayırılması boyunca qanunsız referendumnıñ ötkerilmesini ve, bunıñ neticesi olaraq, onıñ Rusiyege qoşulmasını temin etti», – denile bildirüvde.
QMC prokuraturasınıñ malümatına köre, şübheli şahıs, ondan ğayrı, 2014 senesinde yerli öz-özüni idare etüv orğanlrı ve qanun çıqarıcı organlar, 2016 senesinde Rusiye Devlet Duması ve 2018 senesinde Rusiye prezidenti «saylav»larınıñ ötkerilmesini temin etti.
Açıq menbalarnıñ malümatına köre, Rusiyeniñ kontroli altında olğan Qırım saylav komissiyasınıñ başlığı, Mihail Malışevdir. Onıñ tarafından açıq menbalarda bu şübhege dair izaat berilmedi.
Mart 18-de Rusiye ve onıñ tarafından ilhaq etilgen Qırımda prezident saylavında rey berüv ötkerildi. Resmiy Kyiv ve, ondan ğayrı, bir sıra halqara teşkilât ile bir çoq dünya devleti yarımadadaki saylavnıñ neticelerini tanımaylar.
Qırımdaki saylavda şu anda faaliyet köstergen Rusiye prezidenti Vladimir Putin, saylavcılarnıñ 71,6%-i iştirak etken alda reyleriniñ 92%-inden ziyadesini qazandı.
Mart 19-da ABniñ tış işleri boyunca matbuat kâtibi Maya Kosyançiç, Avropa Birliginde Rusiye prezidenti saylavını, ilhaq etilgen Qırım ve Aqyarda rey berüvniñ tışında, olıp keçti, dep sayılğanını qayd etti.
Mart 19-da Ukraina prezidenti Petro Poroşenko, Rusiye tarafından ilhaq etilgen Qırımda keçirilgen saylavnıñ neticelerine
