Link açıqlığı

Saatnıñ esas haberi

Mart 18-de Kyivde, Nezalejnosti (Mustaqillik) meydanında, ilhaq etilgen Qırımda teşkil etilgen Rusiye prezidenti saylavına qarşı eki tedbir keçe. Bunı Qırım.Aqiqat muhbiri bildire.

Tedbirlerden birinde faaliyetçiler çeşitli tillerde yazılğan «Qırım içün yüregim yana» yazısı ile veraqalar dağıttı.

«Ukraina liderlik akademiyası» cemiyet teşkilâtınıñ faaliyetçisi Krıstına Yaremçuk: «Biz Qırımda Rusiye saylavınıñ keçmesine qarşımız. Bu tedbirge çıqmaq içün bir qaç cemiyet teşkilâtı birleşti. Saat 11.30-tan 12.30-qa qadar biz türlü tillerde yazılğan «Qırım içün yüregim yana» yani bugün qırımtatarlarğa qarşı yapılğanlarğa ve Qırımda olğanına yüregim yana manasına yazısı olğan veraqalar dağıtacaqmız», – dedi.

Ekinci tedbir Mustaqillik eykeli yanında keçe. Anda faaliyetçiler «Qırım – Ukrainadır», «Ukrainada tecavuzkârnıñ saylavı olmaz», «İlhaq etilgen saylavğa narazılıq bildiremiz!» plakatlarınen çıqtılar.

«Tarih küzgüsi» installâtsiyası
«Tarih küzgüsi» installâtsiyası

Ondan ğayrı, Kyivniñ merkezinde XX-XXI asırlarda Rusiye ukümetiniñ qırımtatarlar ve diger Qırım saknlerine qarşı cinayetlerine bağışlanğan «Tarih küzgüsi» installâtsiyası açıldı. İnstallâtsiya içün, 2014 senesiniñ baarindeki vaqialarnı ve ondan soñki Qırım sakinlerine qarşı repressiyalarnı aks etken Qırım.Aqiqatnıñ fotosuretleri qullanıldı.

Инсталляция «Зеркало истории»
Инсталляция «Зеркало истории»

Yanvar ayında Çubarov, er bir milletten olğan Qırım sakinlerini Rusiye prezidenti saylavını boykot etmege davet etti.

Kreml tarafından tayin etilgen Qırım başlığı Sergey Aksönov, qolu astında çalışqanlarnı Rusiye prezidenti saylavına barmamağa çağırğan memurlarnı, işten çıqarılacaqları ile qorquza edi.

Fevral 16-da Ukraina prezidenti Petro Poroşenko dünya toplulığını ilhaq etilgen Qırımda kelecekteki Rusiye prezidenti saylavınıñ neticelerini tanımamağa davet etti.

İlhaq etilgen Qırımda Rusiye prezidenti saylavınıñ tanılmaması aqqında ABniñ tış işleri ve telükesizlik siyaseti boyunca Yüksek temsilcisi Federika Mogerininiñ beyannamesinde bildirile.

Rusiye prezidenti saylavını 2018 senesi mart 18-de – Qırımnıñ Rusiye tarafından ilhaq etilgeniniñ yıllığında ötkereler. Onda sekiz namzet iştirak ete – Sergey Baburin, Pavel Grudinin, Vladimir Jirinovskiy, Vladimir Putin, Kseniya Sobçak, Maksim Suraykin, Boris Titov ve Grigoriy Yavlinskiy.

XS
SM
MD
LG