Link açıqlığı

Saatnıñ esas haberi

Birleşken Milletler Teşkilâtınıñ Telükesizlik Şurası mart 15-te ilhaq etilgen Qırımdaki vaziyet boyunca oturışuv keçire. Bunı Twitterde Ukrainanıñ BMT yanındaki Daimiy temsilciligi bildire.

Tedbirniñ video yayınlanması Birleşken Milletler Teşkilâtınıñ saytında teşkil etildi.

Ukraina oturışuvda Qırımnıñ ilhaqına, «insan aqlarınıñ bozuluvına, ve ondan ğayrı Ukrainağa ait yarımadanıñ deokkupatsiyası meselesinde BMTniñ rolüni arttırmaq kerekligine» diqqatnı celp etmek istey.

Körüşüvde Qırımtatar Milliy Meclisiniñ vekilleri ve Ukraina tış işleri naziriniñ muavini Olena Zerkalniñ iştirak etmeleri planlaştırılğan.

Rusiye prezidenti saylavınıñ ötkerilmesi 2018 senesi mart 18-ne – Qırımnıñ Rusiye tarafından ilhaq etilgeniniñ yıllığına tayın etildi.

Mart 1-de Yuqarı Rada BMT Telükesizlik Şurası ve Baş Assambleyası, Avropa Birligi, NATO, halqara teşkilâtlar, çetel parlamentleri ve ukümetlerini Qırımda Rusiye saylavınıñ qanuniyligini tanımamağa davet etti.

XS
SM
MD
LG