Link açıqlığı

Saatnıñ esas haberi

Aqmescitte mahkeme «Veciye Kaşka işi» figurantlarınıñ tevqif etilmesine apellâtsiyanı baqa


Qırım Yuqarı mahkemesi, illüstratsion foto
Qırım Yuqarı mahkemesi, illüstratsion foto

Kremlniñ kontroli altında olğan Qırım Yuqarı mahkemesi, qırımtatar milliy areketiniñ dört faaliyetçisi aqsız yerde para talap etüvde qabaatlanğan «Veciye Kaşka işi» figurantlarınıñ azatlıqnı sıñırlav tedbirine qarşı berilgen apellâtsion şikâyetni baqa.

Qırım.Aqiqat muhbiriniñ bildirgenine köre, muhakeme etilgenlerni mahkeme zalına ketirmediler, olarnıñ oturışuvda iştirakini video alâqa vastasınen temin ettiler. Ekranda, Ruslan Trubaç yoq olıp, yalıñız üç muhakeme etilgen körüne.

Aqrabaları ve diñleyicilerni oturışuv zalına yibermege izin berilmedi. Mahkeme icracısı, oturışuvnıñ qapalı rejimde keçecegini ilân etti. Advokatlar oturışuvlarnıñ açıq etilmesi içün muracaat eteceklerini vade ettiler.

Aynı zamanda mahkemeniñ resmiy saytındaki mehkeme oturışuvları cedvelinde şübhelilerden biri, Kâzim Ametov, işniñ diger figurantları kibi aqsız yerde para talap etüvde qabaatlanğan olaraq degil de, terroristik faaliyette qabaatlanğan olaraq kösterile.

Şikâyetni, daa evel qırımtatar liderlerinden biri Ahtem Çiygozge tevqif muddetini uzatqanda mahkeme qararını, artıq keçken künni kösterip çıqarğan akem Galina Redko baqacaq. Advokatlar akem Redkoğa red bildirdi, ondan soñ o, olardan bunıñ esaslarını taqdim etmekni talap etip başladı. O, beş advokattan üçüni tenbilep, bunı protokolğa qayd etti. On daqqadan soñ o, qayttı ve özüne bildirilgen redni red etti, dep bildire Qırım.Aqiqat muhbiri.

2017 senesi noyabrniñ 23-nde Aqmescitte Rusiye telükesizlik hadimleri bir grup qırımtatarlar – Kâzim Ametov, Asan Çapuh, Ruslan Trubaç ve Bekir Degermencini yaqaladılar. Olar Türkiye vatandaşından «aqsız yerde hususan büyük miqdarda para talap etüv»de qabaatlanalar. Rusiye telükesizlik hadimleri tarafından yaqalanuvları esnasında qırımtatar milliy areketiniñ veteranı Veciye Kaşka yaramadı. Daa soñra qadınnıñ vefat etkeni belli oldı.

Yanvar 12-de Kremlniñ kontroli altında olğan Aqmescitteki Kyiv rayonı mahkemesi «Veciye Kaşka işi» figurantlarına tevqif muddetini eki ayğa uzattı.

Fevralniñ başında Rusiye advokatı Nikolay Polozov, Qırımda 2017 senesinde qırımtatar milliy areketi veteranı Veciye Kaşkanıñ ölümini mustaqil surette tahqiq etmege başlağanını bildirdi. Onıñ aytqanına köre, Veciye Kaşkanıñ ölümi – «onı qanunsız olaraq yaqalağan Rusiye telükesizlik hadimleri tarafından quvetniñ adden aşırı ve ğayrı-mutenasip derecede qullanılmasınıñ neticesidir».

XS
SM
MD
LG