Link açıqlığı

Saatnıñ esas haberi

Avropa parlamentiniñ deputatı: Qırımnı azat etüv retsepti yoq, lâkin Ukraina ögünde mecburiyetler bar


Arhiv fotosı: Rebekka Harms
Arhiv fotosı: Rebekka Harms

Avropa parlamentiniñ Almaniyadan deputatı, Avropa parlamentindeki «Avropa azat alyansı» Yeşiller fraktsiyasınıñ ortaq reisi Rebekka Harms, Avropada «Qırımnı azat etmek içün retsept yoq, lâkin Garpnıñ Ukraina ögünde mecburiyetleri bar» olğanını qayd ete. Bunı deputat «İşğal etilgen yarımada: muqavemetniñ 4 yılı» halqara forumındaki selâmlav sözünde söyledi, dep bildire Qırım.Aqiqat muhbiri.

Harms: «Rusiyeden sanktsiyalarnıñ alıp taşlanması aqqında bütün sözler toqtatılmalı. Putin Ukraina territoriyasından askerlerini çıqarmağance ve Ukrainadaki vaqialarnı qıyıştıruv strategiyasından vazgeçmegence sanktsiyalar çalışmaq kerek… Sanktsiyalarnıñ alıp taşlanması aqqında söylegen Almaniya vekillerine öz narazılığımnı bildirmek isteyim», – dedi.

O, Qırım ilhaqınıñ birinci kününden başlap, olıp keçkenlerniñ tanılmaması, ğarp kütleviy haber vastalarınıñ hatası edi, dep ilâve etti. Bugün ise, onıñ fikrince, yarımadada KHVlerniñ serbest çalışması imkânsız, ve anda çalışqan jurnalistler qol tutuvğa muhtaclar.

Avropa deputatı: «Olar, bu haberlerni derc etip, özletini telükege oğratalar», – dep ilâve etti.

ВFevralniñ 26-sında Kyivde «İşğal etilgen yarımada: muqavemetniñ dört yılı» dörtünci halqara forumı keçe.

Ukrainada fevral 26 kününi «Qırımnıñ Rusiye işğaline muqavemeti künü» olaraq ilân etmege teklif eteler. 26 künü, Qırımnıñ Rusiye işğaline qarşı muqavemet künü olaraq tayin etildi. 2014 senesi bu künde Qırım Yuqarı Radasınıñ binası ögünde Ukrainanıñ topraq bütünligine qol tutmaq maqsadınen miting ötkerildi. O künü miting iştirakçilerine qarşı Rusiye tarafını tutqan ve şu cümleden «Rusiye birligi» fırqasına ait olğan faaliyetçiler tura edi.

Fevralniñ 26-sında Ukrainada ve büyün dünyada Qırım sakinlerine ve Ukrainanıñ topraq bütünligine qol tutmaq içün tedbirler, munaqaşalar, forumlar, mitingler ve numayışlar yapıla.

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı tatbiq etti. Rusiye, yarımadanı işğal etkenini red etip, buña «tarihiy adaletniñ tiklenüvi», dey. Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG