Link açıqlığı

Saatnıñ esas haberi

Rusiyedeki «Strategiya-30» teşebbüsiniñ iştirakçileri yanvarniñ 30-nda Moskvada ayda bir kere yapılğan ananeviy «Siyasiy mabüs künü» tedbirini ötkerdiler. Bir kişilik piketler ketişatında faaliyetçiler paytahtnıñ soqaqlarında tutqan plakatları vastasınen rusiyelilerge Qırım sakinleriniñ problemleri aqqında ikâye eteler. Bu sefer faaliyet teşebbüsçileri Rusiye ile Ukraina arasında esirler deñiştirilmesi meselesini ortağa qoydılar.

Faaliyetçi Vera Lavreşina video muracaatında: «Mesele – esirlerni qaysı bir miyarğa köre deñiştirmeli. Misal içün, Rusiyede uydurılğan mahkeme işi boyunca qoluna silâ almağan rejissör Oleg Sentsovğa terrorizm içün 20 yıl berdiler. Qomşu devletniñ toprağında qolunda silâ ile cenkleşken sözde «LNR»niñ paralı askeri A. Ageyevge ise Ukrainanıñ qanunlarına muvafıq olaraq 10 yıl berildi. Lâkin adamlarnı kene de deñiştirmek kerek, adamlar esirlikte ziyadesi ile uzun müddet içünde eziyetlenmemeli. Biz tezleştirilgen şekilde yapılacaq episiniñ episine deñiştirilmesinde israr etemiz», – dedi.

Piket iştirakçileri qollarında qırımtatarlarnıñ taqdiri, tevqif etüvler, mahkemeler, büyük aks-sada doğurğan Qırım mahkeme işleri aqqında plakatlar tuta edi. Faaliyetçiler Qırımnıñ Rusiye işğalinden azat etilmesini talap eteler.

Piketçiler tutqan plakatlardan birinde: «Evelden kurort olğan Qırım şimdi arbiy bazağa çevirile», – yazılğan.

Rusiye muhalefet faaliyetçileri «Strategiya-30» aktsiyası çerçivesinde er aynıñ 30-ncı kününde «Siyasiy mahbüs künü»ni ötkereler. Olar siyasiy mabüslerni azat etmek, Rusiyeniñ Ukrainağa qarşı tecavuzını ve Qırım işğalini toqtatmaq talaplarınen barışıqlı piketler ve aktsiyalarğa çıqalar.

Rusiye telükesizlik hadimleri mitinglerniñ iştirakçirakçileri üzerindeki kontrolni arttırdı.

Halqara teşkilâtları Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar qullandı. Rusiye, yarımadanı işğal etkenini red etip, oña «tarihiy adaletniñ tiklenmesi», dey.Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG