Link açıqlığı

Saatnıñ esas haberi

Qırımdaki Ukraina prezidenti temsilciliginiñ şubesi Kyivde peyda olacaq – Babin


Kyivde Ukraina prezidentiniñ Qırım Muhtar Cumhuriyetinde temsilciliginiñ şubesi peyda olacaq. Bunı Qırım.Aqiqatqa Ukraina devleti başlığınıñ QMCde daimiy temsilcisi Boris Babin ikâye etti.

Babin: «Yaqın vaqıtta biz Kyivde temsilcilikniñ şubesini meydanğa ketiremiz. Prezidentniñ 2016 senesindek emirine muvafıq olaraq temsilcilikniñ Kyivde ayrı bir şubesi olacaq. Bu, türlü muzakerelerni keçirmek içün elverişli olacaq. Kyivden memurlarnı er afta Hersonğa çağırmaq kerek olmağcaq. Bu, logistika ceetinden bizim işimizni qolaylaştıra.

Onıñ aytqanına köre, al-azırda Kyivdeki şubede çalışacaq eki kişi tayin etildi, kabinetlerniñ donatılması meseleleri çezile. Şubeni Ukraina prezidenti memuriyetinde yerleştirmege planlaştıralar.

2017 senesi ağustosnıñ 17-sinde Ukraina prezidenti Petro Poroşenko, Ukraina halqara uquqçı Boris Babinniñ Qırım Muhtar Cumhuriyetinde daimiy temsilcisi olaraq tayin etilmesi aqqında emirni imzaladı. Poroşenko Ukraina prezidentiniñ Qırımdaki daimiy temsilcisiniñ birinci muavini vazifesine İzet Gdanovnı tayin etti.

XS
SM
MD
LG