Link açıqlığı

Saatnıñ esas haberi

Cemilev: «Birlik, ikmet ve iman bizge abadan devletni meydanğa ketirmege yardım etecekler»


Mustafa Cemilev
Mustafa Cemilev

Ukraina prezidentiniñ qırımtatar halqınıñ işleri boyunca vekili Mustafa Cemilev, Ukraina şimdi sınavlar devrini keçe, lâkin «birlik, ikmet ve iman bizge abadan devletni meydanğa ketirmege yardım etecekler», dedi.

O, cümleden, Ukraina meseleleri baqılacaq Avropa Şurası Parlament Assambleyasınıñ nevbetteki sessiyası işini başlağan Strasburgda bulunğanını qayd etti.

Cemilev Facebooktaki saifesinde: «Epimiz farqlımız, bir-birimizden millet, din, dünyabaqışı ile ayırılamız, lâkin bizni birleştirgen şey bar – bizim devletimiz. Ukraina tarihında ukrain halqınıñ devletçiligi, ikmeti ve küçüni köstergen acayip misaller bar. Meselâ, bugün biz Ukrainanıñ Maneviy birleşüv Künü ve Ukraina Halq Cumhuriyetiniñ ilân etilmesine 100 yıl tolğanını qayd etemiz. Evelden olğanı kibi, biz kene sınavlar devrini keçemiz, ve birlik, ikmet ve iman bizge quvetli ve abadan devletni meydanğa ketirmege yardım etecekler», – yazdı.

Ukrainanıñ Maneviy birleşüv Künü er yıl, Ukraina Halq Cumhuriyeti (UHC) ile Ğarbiy Ukraina Halq Cumhuriyetiniñ (ĞUHC) 1919 senesi yanvarniñ 22-sinde ğayrıdan bir ukrain devletine birlişmesi Aktı ilân etilgen kününde qayd etile.

XS
SM
MD
LG