«Qırım qazaqları»nıñ hatmanı Sergey Akimov, Qırımnıñ ilhaqından soñ Rusiyeniñ yerli qazaqlarğa ihtiyacı qalmadı, Ukraina ise birleşmege daa çoq diqqat ayıra edi, dep tüşüne. Bu fikirni Akimov, Qırım.Aqiqat Radiosınıñ efirinde Rusiyeniñ göñülli polis yardımcıları («drujinnikler») aqqında yañı qanınını izalarken söyledi.
Hatman: «Qırımda daa 2014 senesinde, maliye ve imtiyazlar bermek maqsadınen bir-birinden ayrı olğan qazaqlar ve cemiyetçiler cedvellerini meydanğa ketirecek ediler, lâkin bu niyet boş olıp çıqtı. Bir çoqu hayal qırıqlığı yaşadı, çünki Ukraina zamanında qazaqlarğa daa çoq diqqat ayırıla edi. Demek, Rusiyege biz kerekmeymiz: kadet korpusları meydanğa ketirilmedi, mahsus qazaq köyleriniñ qurulması içün vesiqalar bile berilmedi, iç bir kilseniñ temeli qoyulmadı», – dep qayd etti.
2017 senesi dekabrniñ 31-nde Rusiye prezidenti Vladimir Putin drujinniklerge qabul etüv aqqında qanunnı imzaladı. Bu göñülliler poliske cemiyet tertibini nezaret etmek kerek, lâkin insannı soqaqta yaqalamağa ve rayon polis bölügine alıp ketmege aqları yoq. – Olar yalıñız tertip qorçalayıcılarını çağıra bileler.
Qırımda 2014 senesinden başlap bir çoq Rusiye tarafını tutqan cemiyet teşkilâtları ve şu cümleden qazaqlarnıñ otrâdları ve «özüni mudaffa» adı ile bilingen birleşme faaliyet köstereler.
