Link açıqlığı

Saatnıñ esas haberi

Rusiye mahalefet siyasetçisi, santıranç ouyunı boyunca dünyanıñ sabıq çempionı Garri Kasparov Каспаров.ru neşirine bergen intervyude nevbetteki kere: Qırım – «dava etilgen degil de, bütün halqara muqaveleler bozulıp zapt etilgen territoriyadır», – dep qayd etti.

O, Kuril adalarınıñ taqdirini de hatırlattı.

Neşir, Kasparovnıñ sozlerini ketire: «Qırımda «referendum» aqqında qıçırğan boşboğazlarğa, Kuril adalarında Yaponiyağa qoşuluv hususında referendumnıñ ötkerilmesini teklif etmek isteyim. Neticesi olarnı taaciplendire bilir… Ondan ğayrı Kenigsberg guberniyasında bunıñ kibi referendum ötkermek mümkün…»

Kasparov, 2013 senesinde Rusiyeden ketip, 2014 senesinde Hırvatistan vatandaşlığını aldı. Bugün o, Nyü-Yorkta çoq vaqıt keçire.

Santıraç oyunı boyunca dünya çempionı Garri Kasparov al-azırda Rusiye muhalefetiniñ eñ muim figuralarından biri, Azat Rusiye forumınıñ teşkilâtçısıdır.

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalar qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-sini, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG