Link açıqlığı

Saatnıñ esas haberi

Moskvada faaliyetçiler Sentsov, Baluh, «Hizb ut-Tahrir işi» figurantları ve Kremlniñ diger siyasiy mabüslerine qol tuttılar


Rusiyeniñ «Strategiya-30» teşebbüsiniñ bir qaç iştirakçisi Moskvada ayda bir kerelik olğan ananeviy «Siyasiy mabüs künü» tedbirini ötkerdiler.

Olar, Ukraina faaliyetçisi Volodımır Baluh, «Hizb ut-Tahrir» işiniñ qırımtatar figurantları, Ukraina rejissörı Oleg Sentsov, Oleksandr Kolçenko ve Rusiyeniñ siyasiy mabüslerine qol tutqanlarını bildirgen plakatlarnı açtılar.

Rusiye faaliyetçisi Vera Lavreşina: «Rusiyeniñ musulman cumhuriyetlerinde vaziyet pek ağır. Anda «hizbler»niñ işi denilgen akimiyetni öz qoluna keçirmek teşebbüsinde qabaatlav boyunca sahte, uydurılğan işler ve bütünley esassız olğan diger safsatalar üküm süre. Musbet şeylerden – Ukraina ile Rusiye arasında esirler deñişüvi başlandı. Biz siyasiy mabüsler Sentsov ile Kolçenko ve Kremlniñ bütün ukrainalı mabüsleriniñ Vatanlarına qaytarılmasını talap etemiz. Siyasiy mabüsler azat etilsin!» – dedi..

Rusiye muhalefet faaliyetçileri «Strategiya-30» aktsiyası çerçivesinde er aynıñ 30-ncı kününde «Siyasiy mahbüs künü»ni ötkereler. Olar siyasiy mabüslerni azat etmek, Rusiyeniñ Ukrainağa qarşı tecavuzını ve Qırım işğalini toqtatmaq talaplarınen barışıqlı piketler ve aktsiyalarğa çıqalar.

Rusiye telükesizlik hadimleri mitinglerniñ iştirakçirakçileri üzerindeki kontrolni arttıra. Meselâ, 2017 senesiniñ iyuninde ötkerilgen buña beñzer aktsiyada polis altı miting iştirakçisini yaqaladı .

Halqara siyasiy İslâm teşkilâtı «Hizb ut-Tahrir»niñ vekilleri öz vazifesini, bütün musulman devletlerini bir İslam hilâfeti içinde birleştirüvde köreler. Lâkin olar buña irişmek içün terroristik usullarınıñ qullanıluvını red ete ve Rusiyede aqsız yerde taqip etilgenlerini aytalar. Rusiyeniñ Yuqarı mahkemesi 2003 senesinde «Hizb ut-Tahrir»ni «terroristik» olaraq tanılğan 15 birleşmeniñ cedveline kirsetip, yasaq etti.

XS
SM
MD
LG